Legenda Abbreviazioni | Legenda Simboli

annariàre , vrb Definizione coment'e istare fragandho, cricandho, pregontandho po ischire chistiones angenas Sinonimi e contrari incarigai, isportellitae, speculitai Etimo srd. Traduzioni Francese fouiller Inglese to be curious Spagnolo curiosear, fisgonear Italiano curiosare Tedesco neugierig betrachten.

coriósu , agt: curiosu Definizione chi faet unu pagu meravíglia, ispantu e arrechedet a dh'abbaidare, o iscurtare; chi tenet curiosidade, interessamentu a bíere, iscurtare, ischire, tocare totu; chi tenet una manera de fàere chi faet unu pagu meravíglia o lassat coment'e pentzamentosos, discuntentos / èssere curiosu che a sa gana (= fàmine) = pagu puru!… Sinonimi e contrari crosidadosu, incrosidau, ispiotu Frasi est ammammalucadu abbaidendhe cudha cosa curiosa ◊ deo so curiosu e vògio iscire su puite 2. coriosa, andhat a sizire s'orixa a s'istampa de sa giae pro intèndhere ite fint arrexonendhe cudhos ◊ naradhi a su tziu dhe si fai is fatus suus, ca est tropu curiosu! 3. ah, ma tandho tue ses curiosa abberu, mih: cheres s'ou, sa pudha e s'arriali puru! Traduzioni Francese curieux Inglese curious Spagnolo curioso Italiano curióso Tedesco neugierig.

crosidadósu , agt: crusidadosu Definizione chi tenet curiosidade, chi bolet bíere, ischire, tocare totu Sinonimi e contrari coriosu, grosariosu, grusirosu, incrosidau Frasi dhoi fiat una cambarada de piciochedhus crosidadosus ◊ po bí s'ispetàculu dhoi fiat unu frummi de crosidadosus bennius de bidhas acanta e atesu Terminologia scientifica ntl Etimo srd. Traduzioni Francese intéréssé Inglese made curious Spagnolo curioso Italiano incuriosito Tedesco neugierig gemacht.

incrosidàu , agt Definizione nau de ccn., chi dhi praghet a ischire, chi bolet ischire Sinonimi e contrari crosidadosu, grusirosu, incuriosiu Frasi tanti fia incrosidau chi una dí nd'apu pregontau a mammai po isciri sa chistioni Traduzioni Francese intéressé Inglese made curious Spagnolo curioso Italiano incuriosito Tedesco neugierig.

incrosirài , vrb: ingrusirai Definizione fàere bènnere disígiu de ischire Frasi no fiat dógnia chistioni chi arrennesciat a ingrusirai o fai arriri Traduzioni Francese intéresser, intriguer Inglese to make curious Spagnolo despertar la curiosidad Italiano incuriosire Tedesco neugierig machen.

proànsulu, proàntzigu, proàntzu, proàntzulu , agt Definizione nau de ccn., chi totu istat provandho, tocandho, a bíere, fintzes giaendho ifadu, ponendho marrania, atzitzandho s'àteru Sinonimi e contrari fustigheri, pruaxu / provocheri Frasi frade meu fit su proàntzigu ◊ una tropa de pitzinnos proàntzulos aiat dimandhau a tziu Tilipu si Gramsci diat èssere istau cuntentu de cussas cosas (G.Brocca)◊ sas piús proànsulas cheriant abbèrrere s'iscàtula a bídere ite bi aiat Etimo srd. Traduzioni Francese très curieux Inglese nosy Spagnolo curioso, fisgón Italiano curiosóne Tedesco sehr neugierig.

«« Cerca di nuovo