Ditzionàriu in línia
de sa limba e de sa cultura sarda

tachedhàda , nf Definizione su tachedhai, su fàere tachedhas; segada chi si faet a s'olia de cunfetu po dha pònnere a indrucare in abba Sinonimi e contrari intacugliada, trapada, trapu Etimo srd. Traduzioni Francese action de graver Inglese carving Spagnolo talla Italiano intagliatura Tedesco Schnitzen.

tachedhài , vrb: atachedhai Definizione fàere intacos, trebballare a intacadura, segandho e lassandho una genia de incàsciu, faendho linna froria po bellesa; fintzes segare a piticu / tachedhai s'olia = fàghere segadas, trapadas, tzacadas a gurtedhu po dha pònnere a indrucare in abba; t. sa petza = segare a cantighedhos; t. sa síndria = provare a bíere si est cota segandhondhe un'orrugu (tassidhu, tesidhu) a punghidura Sinonimi e contrari intacugliare, intatzare, tacai, trapare Frasi tocat a tachedhai sa castàngia po no isciopai coendi Etimo srd. Traduzioni Francese graver Inglese to carve Spagnolo tallar Italiano intagliare Tedesco schnitzen.

trapàre , vrb Definizione fàere segadas o trincos a lepedha, a gurtedhu, o fintzes segare a sola si est cosa tostada o frida Sinonimi e contrari intacugliare, ispitighedhare, sacai / trapai* Frasi si trapat s'olia pro la cufetare, sa castanza pro l'arrustire ◊ su fritu mi at trapadu totu sas manos ◊ s'impastu tropu rassu si trapat, comente assutat, si no est abbadu meda 2. adhae si bidet una lughe atzesa tremulendhe che oju lagrimosu in tundhu in tundhu trapendhe sa note (G.Fiori)◊ su dolore punghet e trapat carres e sentidu Traduzioni Francese graver, entailler, fendre Inglese to engrave, to notch, to cleave Spagnolo incidir, hendir Italiano intagliare, incìdere, fèndere Tedesco schnitzen, einschneiden.