Ditzionàriu in línia
de sa limba e de sa cultura sarda

ghilidòne , nm: ghilisone, ghilisoni Definitzione sa melighedha chi faet su lidone Sinònimos e contràrios alidone, meladidone, memeledhu, mendhilicotu, pègora 1 Frases medas pillochedhus si faint aciapai in su lobu bichendu ghilisonis o bremis o seminedhus (G.Moi)◊ dónnia dí portàt is crabas a pàsciri acantu podiant papai ghilisone Ètimu srdn. Tradutziones Frantzesu arbouse Ingresu arbutus berry Ispagnolu madroño Italianu corbézzola Tedescu Frucht des Erdbeerbaumes.

meladidòne , nf, nm: melalidone, melalione, melaulidone, meluchidone, meludidone, melulidone, meraridoni, merarioni, merulidone, meurioni Definitzione sa mela, melighedha, de su lidone, e fintzes sa mata etotu / inchesu che su meladidone (nau de ccn)= cun sa cara orrúbia che fogu Sinònimos e contràrios alidone, baca 1, billella 2, bilisone, chelleisone, ghilidone, lasarione, lisone, memeledhu, mendhilicotu Frases portat is trempas arrúbias che unu merarioni ◊ sa pitzinna est chin sa cara ruja che meladidone 2. fit inamoradu de s'ària de su monte, de sos buscos de meluchidone e de iscoba Ètimu srd. Tradutziones Frantzesu arbouse Ingresu arbutus berry Ispagnolu madroño Italianu àlbatra, corbézzola Tedescu Frucht des Erdbeerbaumes.