Legenda Incurtzaduras | Legenda Sìmbulos

biadía , nf Definitzione su èssere biaos, cuntentos meda Sinònimos e contràrios ajubore, biadesa, cuntentesa, dícia, gosa Frases ascultant cun biadia cantones e mutos ◊ lis auguramus onzi biadia! ◊ chi Deus ti fatat gosare s'eterna biadia! ◊ como sento in su coro tanta biadia e aggradessu chi no agato essu a ti lu nàrrere Ètimu srd. Tradutziones Frantzesu bonheur, félicité Ingresu happiness Ispagnolu felicidad Italianu felicità Tedescu Glückseligkeit.

dícia , nf: ditza Definitzione bona sorte, cuntentesa mana Sinònimos e contràrios ajubore, biadesa, biadia, cuntentesa, foltuna, gosa, prégiu | ctr. isfortuna, mabasorti Maneras de nàrrere csn: lograre una dícia = acansai, tènniri sa fortuna; dícia mia!… = pagu bene meu!, siscuru a mie! Frases bido onzi fiore godendhe de sa dícia de su mamentu (P.Serra)◊ narant chi su poeta est veramente tale candho cantat pro dícia o pro dolore (A.Dettori)◊ bisos, desizos, bozas, m'infiorant de dícias sos caminos (S.Casu)◊ apo sa dícia de èssere conchi sana ◊ pro dícia, in custa cumpagnia che at zente forte ◊ est inchieta po sa pagu dícia chi dhi ponint infatu Sambenados e Provèrbios prb: nascher in bona dícia est nascher cun sas dentes Ètimu ctl., spn. ditxa Tradutziones Frantzesu chance, bonheur Ingresu luck, happiness Ispagnolu dicha Italianu fortuna, felicità Tedescu Glück

diciosía , nf: ditzosia Definitzione su èssere diciosos, afortunaos, prexaos Sinònimos e contràrios dícia, diciosidade, diciosura | ctr. derdícia Frases no apena in su sinu cuntzepidu, chi ancora forma umana no aia, pro me sentias tanta diciosia (G.Sini) Ètimu srd. Tradutziones Frantzesu bonheur Ingresu happiness Ispagnolu felicidad Italianu felicità Tedescu Glückseligkeit.

urósu , agt: aurosu* Definitzione chi tenet bonas uras, chi portat fortuna Sinònimos e contràrios afoltunadu, assortadu, auradu Frases rusignolos e canàrios intonant s'urosu cantu Tradutziones Frantzesu qui a de la chance, qui porte bonheur Ingresu good wish, lucky Ispagnolu que tienetrae buena suerte Italianu augurale, fortunóso Tedescu Glückwunsch.

«« Torra a chircare