Legenda Incurtzaduras | Legenda Sìmbulos

bragèra, bragéri , nf, nm: brajeri, brasceri, braseri, brasieri, braxera, braxeri Definitzione genia de istrégiu largu e bàsciu (prus che àteru tundhu) a pònnere braxa po caentare, in sa domo, fora o atesu de sa forredha; genia de istrégiu istampau po orrostire castàngia / sa roda de su b. = peana o capa de linna cun su tretu de mesu bóidu pro bi sere su brasieri Sinònimos e contràrios copa, tonte / cochecastanza Frases za est bellu su fogu in su brajeri, ma mi faghet sa conca moliare (G.Pinna)◊ ajaja mi at fatu sètzi in s'iscannu acanta de su braxeri Ètimu ctl. braser Tradutziones Frantzesu brasier Ingresu brazier Ispagnolu brasero Italianu bracière Tedescu Kohlenbecken, Glutpfanne, Kohlenpfanne.

còpa , nf: cupa, gopa Definitzione est sa base (prus che àteru tundha) de linna ue si ponet su braxeri, ma dhu narant fintzes a su braxeri etotu: genia de istrégiu tundhu a oros bàscios po pònnere braxa a caentare fora de sa forredha / c. cun is cambas = zenia de isterzu supesadu de bi pòdere arrustire cosa istendhe ritzos Sinònimos e contràrios brageri, tonte Frases po callentai su logu ponint braxa in sa cupa ◊ candu fiat frius poniant una cupa de craboni allutu in mesu de s'aposentu ◊ in s'ierru si setziat impari cun is neboris a giru de sa cupa contendi contixedhus ◊ cussu mastru fachiat petzi cupas de brasieri Ètimu spn. copa Tradutziones Frantzesu brasier Ingresu brazier Ispagnolu brasero Italianu bracière Tedescu Kohlenpfanne.

foghidòni , nm: foghillone, foghilone, fogolone, fogulone Definitzione css. fogu mannu, ma mescamente su chi si faet in is orrugas po unas cantu festas (es. sant'Antoni); budhiore de callentura; dhue at logu chi foghillone dhu narant a su ghidhostre o túvera (chi ponent po allúere su fogolone) Sinònimos e contràrios catassa, fagalloni, fochilada, foghillare, olone | ctr. fogaredhu Frases sa pampa de su foghidoni si fut pesada prus arta de is domus ◊ fumis totu inghiriados a su foghilone ◊ custas sunt ischinditas fuidas dae su fogulone ◊ a sant'Antoni in bidha inchendhent su fogulone 2. unu fogadoni de callentura dh'iat giai belle e istrumpau Ètimu ltn. focaris Tradutziones Frantzesu bûcher, brasier Ingresu fire Ispagnolu hoguera Italianu rògo Tedescu Feuer, Festenfeuer.

«« Torra a chircare