burdelléri , agt Definitzione chi o chie faet o ponet burdellu Sinònimos e contràrios baticollosu, burdellajolu, burdellosu, carraxeri Ètimu srd. Tradutziones Frantzesu bruyant Ingresu rowdy Ispagnolu ruidoso Italianu chiassóso Tedescu lärmend.

burdellósu , agt Definitzione chi faet o ponet burdellu Sinònimos e contràrios bacanosu, burdelleri / cdh. buldidhosu Frases bi at ómines burdellosos e irgherrimiadores ◊ iscola burdellosa, custa: cosa de insurdai! ◊ est unu canali mannu e totu perda aundi calat un'arriu burdellosu ◊ a sa festa bi abbojat zente allegra e burdellosa Ètimu srd. Tradutziones Frantzesu bruyant Ingresu noisy Ispagnolu ruidoso Italianu rumoróso Tedescu lärmend.

iscacàgliu , nm: iscacàlliu, iscarcàgliu, iscarcàlliu, iscracàbiu, iscracàgliu, iscracàlliu, scacàrgiu Definitzione ilborrocu de errisu, su erríere a boghe arta / iscúdere un'iscracàlliu = fàghere un'iscracalliada Sinònimos e contràrios ghirghílliu, iscacagliada, iscaganu, iscacaratzu, iscracanzu, iscracaxu, irghirghílliu Frases candho ant intesu sa bàlcica de Antiocu ant rísidu a iscarcàlliu ◊ funt totus a iscracàbius e annigrendu po cudhu gioghendu a cuadhus fortis ◊ si est rísidu a iscarcàllios e at postu de mútria bona a totus ◊ est ridenne a iscacàglios tzaculitatos ◊ su piciochedhu fiat arriendu a iscracàllius ◊ fiat arriendu a iscracàbius, ispassiendusí ◊ sunt totus cicios, bufandho e erriendho a iscracàglios Ètimu srd. Tradutziones Frantzesu rire bruyant Ingresu guffaw Ispagnolu carcajada Italianu risata fragorósa Tedescu schallendes Gelächter.

muinósu , agt Definitzione chi ammuinat, chi faet ammuinu Sinònimos e contràrios bacanosu, burdellosu, istragatzosu Frases su riu li paret piús muinosu ◊ sos trainos current a su riu chi muinosu curret a su mare Ètimu srd. Tradutziones Frantzesu bruyant Ingresu noisy Ispagnolu ruidoso Italianu rumoróso Tedescu lärmend.

tronósu , agt Definitzione chi faet a tzàcurros o a sonos coment'e de tronu Sinònimos e contràrios insurdósigu, isbombiosu Frases s'ursu si pesat reu, e paret tentu a lanta, movet sos passos tronosu tronosu (P.Casu)◊ nelzendhe gasi, apretat sas pinnas e istúrridat tronosu ◊ mama, it'est s'istraúgliu ch'ispantat sa note tronosa? ◊ at inténdiu una boxi tronosa Ètimu srd. Tradutziones Frantzesu assourdissant, bruyant Ingresu deafening Ispagnolu atronador Italianu assordante, fragoróso Tedescu laut.

tzacarrósu , agt Definitzione chi tzacarrat, chi si segat a tzacurradura; chi est turrau meda, chi tzàcurrat, chi si papat a tzàcurru Sinònimos e contràrios àrridu, assicorrau, isbombiosu, trachedhosu, tzacadinu, tzachedhadore, tzicarrosu / àrridu, assicorrau, tzacadinu, tzacarrinu Frases chi dhi fiat cabau unu de cussus tronus tzacarrosus dh'iant agatada morta e acidrinada Ètimu srd. Tradutziones Frantzesu crépitant, bruyant Ingresu crackling, rumbling Ispagnolu crepitante Italianu scoppiettante, fragoróso Tedescu knisternd.

tzachedhósu , agt: sachedhosu Definitzione chi tzachedhat; nau de unu, chi luego si ofendhet po dónnia cosa, chi no aguantat brullas Sinònimos e contràrios isbombiosu, tzacarrosu / arrennegaditu, primmósigu, tzacosu Frases in s'istante s'intendhet unu tronu tzachedhosu (N.Cucureddu) Ètimu srd. Tradutziones Frantzesu bruyant, susceptible, irritable Ingresu noisy, oversensitive Ispagnolu fragoroso, susceptible Italianu fragoróso, suscettìbile, scattóso Tedescu lärmend, empfindlich.

«« Torra a chircare