Ditzionàriu in línia
de sa limba e de sa cultura sarda

arrenignósu , agt: renignosu* Definitzione chi si arrennegat cun facilidade, chi si dha pigat, chi no padit meda Sinònimos e contràrios arrabbiosu, arragonosu, bischiliosu, buzarrosu, croconosu, febosu, felorosu, imbischigliau, ragiosu, stacosu, sutzuliu Terminologia iscientìfica ntl Tradutziones Frantzesu irritable Ingresu irritable Ispagnolu colérico Italianu stizzóso Tedescu reizbar.

bischizósu , agt Definitzione chi si leat bischiza, chi si arrennegat meda Sinònimos e contràrios arrabbiosu, arrenignosu, bischiliosu, bizarrosu, croconosu, febosu, felorosu, imbischigliau, ragiosu, stacosu, sutzuliu | ctr. pascenscile Terminologia iscientìfica ntl Ètimu srd. Tradutziones Frantzesu bilieux, irritable, grincheux Ingresu irritable Ispagnolu bilioso Italianu bilióso, stizzóso Tedescu ärgerlich, reizbar.

croconósu , agt Definitzione nau de unu, chi provat crocone meda, ma fintzes chi est malu a mòvere o a cumbínchere Sinònimos e contràrios arrabbiosu, arragonosu, arrenignosu, bischiliosu, bizarrosu, febosu, felorosu, imbischigliau, ragiosu, stacosu, sutzuliu / duritosu, screnciosu, rempellu 2. custu est un'arcanu croconosu ◊ "croconosu" lu ponent a proégliu a su voe Terminologia iscientìfica ntl Ètimu srd. Tradutziones Frantzesu irritable, sauvage, rétif Ingresu irritable, reluctant Ispagnolu irascible, reacio Italianu stizzóso, ritróso, restìo Tedescu reizbar, widerwillig.

latranghigúltzu , agt, nm: letranchicurtzu, letranghigurtzu Definitzione chi no agguantat retranca, chi perdet luego sa passiéntzia Sinònimos e contràrios cadragula, dirredhu, infadaditu, písili, scrichidheri, spassentziau / ttrs. altariosu | ctr. pascenscile Frases si li naras cosa si la leat deretu, ca est letranghigurtzu! ◊ fit abbizósicu e letranchicurtzu ◊ no podia drommire, latranghigurtzu lu so istadu sempre: che frundho su cabidale e mi ndhe peso! Ètimu srd. Tradutziones Frantzesu irritable, névrosé Ingresu impatient, neurotic, prickly Ispagnolu irritable Italianu irritàbile, insofferènte, nevròtico Tedescu reizbar, neurotisch, Neurotiker.

sutzulíu , agt: tzutzuliu Definitzione si narat de persona inchietosa, chi si arrennegat luego, coment'e intzutzullau, atzitzau Sinònimos e contràrios airosu, arrabbiaditu, arrennegosu, inchietosu / arrabbiosu, arrenignosu, bischiliosu, felorosu, imbischigliau, ragiosu, stacosu Terminologia iscientìfica ntl Ètimu itl. uzzolo Tradutziones Frantzesu irritable Ingresu irritable Ispagnolu irritable Italianu stizzóso Tedescu reizbar.

tzachedhósu , agt: sachedhosu Definitzione chi tzachedhat; nau de unu, chi luego si ofendhet po dónnia cosa, chi no aguantat brullas Sinònimos e contràrios isbombiosu, tzacarrosu / arrennegaditu, primmósigu, tzacosu Frases in s'istante s'intendhet unu tronu tzachedhosu (N.Cucureddu) Ètimu srd. Tradutziones Frantzesu bruyant, susceptible, irritable Ingresu noisy, oversensitive Ispagnolu fragoroso, susceptible Italianu fragoróso, suscettìbile, scattóso Tedescu lärmend, empfindlich.

tzacósu , agt Definitzione nau de ccn., chi si tzacat, chi acostumat a si tzacare, a si ofèndhere e arrennegare po dónnia cosa, fintzes chi poderat s'arrennegu, chi abbarrat a primma Sinònimos e contràrios airósigu, airosu, arrabbiaditu, arrennegosu, inchietosu, sutzuliu, tràchidhu / ttrs. altariosu / aschiolu 1, cravosu, felosu, terriosu Frases tzacosu, at postu male in versos dulches chi pagu at cumpresu Terminologia iscientìfica ntl Ètimu srd. Tradutziones Frantzesu irritable Ingresu prickly Ispagnolu irritable Italianu irritàbile, stizzóso Tedescu reizbar.