Legenda Incurtzaduras | Legenda Sìmbulos

càssa 1 , nf: catza Definitzione totu su chi si faet po aciapare animales arestes; sa petza de is animales tentos in cassa / min. cassichedha, cassigedha Sinònimos e contràrios cassamentu, catziada Maneras de nàrrere csn: cassa manna = catza russa, de animales mannos (prus che àteru porcrabos); cassa minuja (cassigedha)= catza de animales minudos; catza truvada, catza a oretu = maneras de catziare; petza de cassa = de animale catziadu; padedha o pratu de cassa = zenia de piatu mannu, de ràmine, cun àteru piatu de sa matessi mannària a covecu, pro còghere cosa a cassola Frases si ch'essit a catza ca est catziadore ◊ dipinghes in sas mustras catzas cun chervos e porcos abros ◊ procúrami calchi petzu de cassa a lu gustare! ◊ fiagat coment'e cane de catza ◊ nau ca ndi ses beniu coment'e unu cani de cassa, arranca arranca! Ètimu ctl. cassa Tradutziones Frantzesu chasse, gibier Ingresu hunt, game Ispagnolu caza Italianu càccia, cacciagióne Tedescu Jagd, Wildbret.

dopiète, dopiètu , nm Definitzione tiru, isparu dópiu, unu avatu de s'àteru Sinònimos e contràrios / cdh. dupietu Frases a canno intenno unu dopiete cràdiu chi pariat unu vallu! (V.Mura) Tradutziones Frantzesu tir de chasse doublé Ingresu double shot Ispagnolu doblete Italianu doppiétta Tedescu Doppelschuß.

pedrigòne, pedrigòni , nm: peldigone, perdicone, perdigone, perdigoni, perdixone, pidrigoni, predicone Definitzione birilledha pitica de prumu chi in cantidade si ponet in is cartúcias po isparare pigiones / p. de grivare = adatos po isparare pillon'e tàcula Sinònimos e contràrios cdh. pildiconi Frases ita mabasicu seis fendi tirendi a pedrigonis: po puiga m'eis pigau?! ◊ ti at a donai una passada de pidrigonis a paneri, si ti agatat furendi! 2. sa ua ocannu no bi at ammaduradu: sos pipiones parent perdigones! Ètimu spn. perdigones Tradutziones Frantzesu plomb de chasse Ingresu pellets Ispagnolu perdigón Italianu pallino da càccia Tedescu Schrot.

«« Torra a chircare