cumandaméntu , nm: cumandhamentu,
cumannamentu Definitzione
régula morale de cumportamentu, prus che àteru donniuna de is deghe leis de sa Bíbbia e is duas de s'Evangéliu
Maneras de nàrrere
csn:
segai su c. = fàghere su contràriu de su chi pretzetat su cumandhamentu; no àere c. de ccn. = no ndhe tènnere azudu perunu
Frases
primu puntu est a amare a Deus, narant is cumannamentos ◊ cali trabballu si podit fai in dí de festa sena de segai su cumandamentu?
Ètimu
itl.
Tradutziones
Frantzesu
commandement
Ingresu
commandament
Ispagnolu
mandamiento
Italianu
comandaménto
Tedescu
Gebot.
cumàndhu , nm: cumandu,
cumannu Definitzione
su podere de cumandhare, de giare órdines, e fintzes s'órdine o sa cosa chi si cumandhat etotu, fintzes sede de is o de unu cumandhante; faina, mescamente de andhare a unu logu po calecunu bisóngiu, chi si faet po contu de ccn. (po praxere o a pagamentu), cosa chi unu tenet de fàere a contu suo etotu (coment'e cosa chi dha cumandhat su bisóngiu); cosa o chistione chi si tenet de nàrrere a ccn.
Sinònimos e contràrios
cumandamentu,
óldine
/
commissioni,
faina,
masione,
impérciu
Maneras de nàrrere
csn:
mandhare a c., nàrrere unu c.; èssere de bonu a c. = chi fait sa cummissioni, chi ponit menti, chi andhat a su cumandhu chentza istare preghèndhelu meda, chi dhu fait bèni; fàghere unu c. e chentu bisonzos = fai tanti cosas a su própiu tempus; fai su piciochedhu ’e cumandus = tènnere un'impreu de pagu contu, a fàghere cumandhos; èssere a c. anzenu = dipèndhere de is àteros; negare su cumandhu a ccn. = nai ca no a chini pregontat su prexeri de dhi fai una cummissioni
Frases
bae e làssami istare, chi no so mancu a cumandhu tou, no! ◊ sa bidha fit semper abannonata dae chie aiat potere e cumannu ◊ sos benes suos siant a cumandhu tou!
2.
Chica girat che unu fusu, cosit e isciàcuat e prènciat e fait cumandus ◊ so essidu a fàghere unu cumandhu ◊ su piciochedhu mi faet totu is cumandhos ◊ su pitzinnu est bonu e no negat mai su cumannu a nessunu ◊ a babbu tou nàrali a bènnere a domo ca li cherzo cumandhu!
3.
su cristianu vivet segundhu sos cumandhos chi at lassadu Cristos
4.
cussu no lu cherzo a teracu, ca no est de bonu a cumandhu ◊ apo àpidu fizos de bonu a cumandhu
Ètimu
srd.
Tradutziones
Frantzesu
commandement
Ingresu
order
Ispagnolu
comando,
recado
Italianu
comando,
incombènza
Tedescu
Befehl,
Auftrag.
pertzétu , nm: apretzetu,
precetu,
pressetu,
pretzetu Definitzione
órdine, cumandhamentu morale, cosa chi si narat a unu a fàere po totu su chi pertocat su bonu cumportamentu; genia de dovere chi incumandhat sa Crésia
Sinònimos e contràrios
ammonestu,
avelténtzia,
avertimentu,
ditada,
incumandha,
prenúsciu
Maneras de nàrrere
csn:
pònnere, ghetai su p. a ccn. = dare avertimentu, órdine; segai is pretzetus = itl. infràngere i comandamenti, pecare, andhare in contràriu a sos pretzetos
Frases
ci dh'as giau peràula de pobidha ti dhu pogno in precetu: leadidha!
2.
de precetu no ne apo guardau ◊ sos pressetos de sa Crésia sunt chimbe ◊ segau as su precetu divinu? ◊ si a missa calchi bolta andhas, ne cuntegnu e ne rispetu, no cumprint a su pretzetu cantos cun tegus bi ndhe at ◊ cussus ant segau is santus precetus a Deus
Ètimu
itl.
Tradutziones
Frantzesu
précepte,
commandement
Ingresu
rule
Ispagnolu
precepto
Italianu
precètto,
prescrizióne
Tedescu
Vorschrift.