Ditzionàriu in línia
de sa limba e de sa cultura sarda

connútu , nm: cundhutu, cundutu Definitzione genia de tubbu o canale ue passat calecuna cosa / cundutu de immundítzias (fogna), de muràglia, de terratzu po iscolai s'àcua a foras Sinònimos e contràrios columberi 1, fumajolu Frases custa no est ora de lassai andai àcua de su cundutu, ca sa cora passat aranti de s'enna mia! ◊ tantu lestra in cundhutu no curreit abba pro mover roda de molinu chei su mastru poltendhe a mie ◊ apo acatau is marengos acanta de su cundhutu de s'abba 4. Ètimu ltn. conductumu Tradutziones Frantzesu conduit, tuyau Ingresu tube Ispagnolu conducto Italianu condótto Tedescu Rohrleitung.

cundòta , nf Definitzione su tubbu mannu chi batit s'abba o àteru a unu logu Tradutziones Frantzesu conduit Ingresu pipe (water) Ispagnolu cañería, conducto Italianu condótta d'àcqua o sìmili Tedescu Leitung.

tiravúmmu , nm Definitzione genia de tubbu o canna larga meda (cannone) po ch'essire o bogare su fumu de ue si faet su fogu Sinònimos e contràrios fumajolu Frases is zumineras de is domus portant su tiravummu Ètimu srd. Tradutziones Frantzesu conduit de fumée Ingresu flue Ispagnolu cañón de chimenea Italianu canna fumària Tedescu Rauchfang.