Legenda Incurtzaduras | Legenda Sìmbulos

amplària , nf: amprària Definitzione sa mannària de is cosas cunsiderada po su logu chi leat de istérria Sinònimos e contràrios amplesa, amprioi, amprura, lalghesa, lalgura, largària Frases custu misurat a palmus is longàrias e is ampràrias! ◊ s'amprària de unu triàngulu si misurat multiplichendi sa basi po s'artària pratzia in duus ◊ ant fatu sos parchégios a dópia amprària Ètimu srd. Tradutziones Frantzesu grandeur, largeur Ingresu width Ispagnolu amplitud Italianu ampiézza Tedescu Weite.

cantepàre, cantepàri , avb: cantiapari Definitzione chi est cantu a s'àteru, chi est s'unu a paris de s'àteru, de su matessi tanti Sinònimos e contràrios cabale Frases custos duos sunt cantepare de carena ◊ funt bellus e artus cantepari ◊ si bos ponent a su pesu pesai cantepare Ètimu srd. Tradutziones Frantzesu de même grandeur Ingresu of the same size Ispagnolu equivalente Italianu della stéssa grandézza, valóre, equivalènte Tedescu derselbe Größe, gleichwertig.

mannària , nf Definitzione su tanti chi est manna de misuras, una cosa; si narat fintzes po disígiu mannu Sinònimos e contràrios mannioi, mannura / spédhiu Frases s'ómine est paca cosa in sa mannària de su mundhu ◊ e toca e si presentat unu grandu cani… no fiat mannària de cani!… 2. si fiant cojaras a dixasset'annus po su spédhiu de sa coja e po sa mannària de èssi meris de domu (D.Garbati) Ètimu srd. Tradutziones Frantzesu grandeur Ingresu size Ispagnolu tamaño, magnitud, grandeza Italianu grandézza Tedescu Größe.

mannèsa , nf Definitzione su tanti chi est manna una cosa; s'importu, sa mannària morale de unu o de una chistione e fintzes bàntidu, su bene chi si ndhe podet nàrrere Sinònimos e contràrios mannària Frases de tintas e de mannesa s'abe reina est piús giara de sas àteras ◊ s'idiat a levante una lugura, adhane, in su bassu firmamentu, fatu fatu andhendhe in aumentu in mannesa, in giaria e in bellura (P.Sulis) 2. l'amus a mannesa ca tue ses sintzeru e bonu ◊ su cuntzetu sou no lu negat mancu pro su martúriu, antzis l'at a mannesa e ndhe dat prou ◊ at bidu sa mannesa de Deus Tradutziones Frantzesu grandeur Ingresu size, greatness, grandeur Ispagnolu tamaño, magnitud, grandeza Italianu grandézza Tedescu Größe.

«« Torra a chircare