Ditzionàriu in línia
de sa limba e de sa cultura sarda

cantepàre, cantepàri , avb: cantiapari Definitzione chi est cantu a s'àteru, chi est s'unu a paris de s'àteru, de su matessi tanti Sinònimos e contràrios cabale Frases custos duos sunt cantepare de carena ◊ funt bellus e artus cantepari ◊ si bos ponent a su pesu pesai cantepare Ètimu srd. Tradutziones Frantzesu de même grandeur Ingresu of the same size Ispagnolu equivalente Italianu della stéssa grandézza, valóre, equivalènte Tedescu derselbe Größe, gleichwertig.

imbidonaméntu , nm Definitzione su imbidonare, su pònnere s’imbidonu a s’orrobba Ètimu srd. Tradutziones Frantzesu apprêt Ingresu size Ispagnolu apresto Italianu apprètto Tedescu Appretur.

incadassàre , vrb Definitzione únghere s'ordíngiu cun cadansu Sinònimos e contràrios cadansare Ètimu srd. Tradutziones Frantzesu encoller Ingresu to size Ispagnolu engomar Italianu imbozzimare Tedescu schlichten.

mannària , nf Definitzione su tanti chi est manna de misuras, una cosa; si narat fintzes po disígiu mannu Sinònimos e contràrios mannioi, mannura / spédhiu Frases s'ómine est paca cosa in sa mannària de su mundhu ◊ e toca e si presentat unu grandu cani… no fiat mannària de cani!… 2. si fiant cojaras a dixasset'annus po su spédhiu de sa coja e po sa mannària de èssi meris de domu (D.Garbati) Ètimu srd. Tradutziones Frantzesu grandeur Ingresu size Ispagnolu tamaño, magnitud, grandeza Italianu grandézza Tedescu Größe.

mannèsa , nf Definitzione su tanti chi est manna una cosa; s'importu, sa mannària morale de unu o de una chistione e fintzes bàntidu, su bene chi si ndhe podet nàrrere Sinònimos e contràrios mannària Frases de tintas e de mannesa s'abe reina est piús giara de sas àteras ◊ s'idiat a levante una lugura, adhane, in su bassu firmamentu, fatu fatu andhendhe in aumentu in mannesa, in giaria e in bellura (P.Sulis) 2. l'amus a mannesa ca tue ses sintzeru e bonu ◊ su cuntzetu sou no lu negat mancu pro su martúriu, antzis l'at a mannesa e ndhe dat prou ◊ at bidu sa mannesa de Deus Tradutziones Frantzesu grandeur Ingresu size, greatness, grandeur Ispagnolu tamaño, magnitud, grandeza Italianu grandézza Tedescu Größe.

tàlla , nf: tàllia Definitzione tràgiu, usàntzia de bestire; mannària, misura de unu bestimentu (ma fintzes de sa carena) Ètimu itl. Tradutziones Frantzesu taille Ingresu size Ispagnolu talla Italianu tàglia Tedescu Größe.