Legenda Incurtzaduras | Legenda Sìmbulos

acocoàdu , pps, agt: acocoau Definitzione de acocoare; chi est pitichedhu de carena, chi paret unu cocoi, unu tzintzigorru, fintzes chi est allorigau che cocoi Sinònimos e contràrios bàsciu 1, minoredhu, pitiarredhedhu 2. colorus acocoaus gosant tébidu soli Terminologia iscientìfica zcrn Tradutziones Frantzesu petit de taille Ingresu little Ispagnolu bajo, pequeño Italianu piccolino Tedescu klein.

chínciu , nm: chintu, chintzu, chitu, chitzu, cinsu Definitzione su tretu de sa carena de su cristianu in mesania, totu a inghíriu e unu pagu prus fine / gherrare a chintzu, leare, aferrare a chitu partidu = cun sos bratzos betados a inghíriu de su chitu de s'àteru, zogare a istrampadas Sinònimos e contràrios chintzale, cintroxu, sintzu / tzinta Frases su chitzu sou no est prus sútile ◊ bi fit su fàmine a chintu ◊ sunt zocandhe un'istrumpa a chitu partidu ◊ de chintzu est bèni fata, cussa picioca ◊ cussa picioca giughet su chintu che anedhu ◊ aciuvau in s'àcua fintzas a chintzu, coberat músculus cun is peis Terminologia iscientìfica crn Ètimu ltn. cinctus Tradutziones Frantzesu taille Ingresu waist Ispagnolu cintura Italianu vita (parte del còrpo) Tedescu Taille.

iscarpedhónzu , nm Definitzione su iscarpedhare, trebballu chi si faet a iscarpedhadura Ètimu srd. Tradutziones Frantzesu taille, incision Ingresu chiselling Ispagnolu cinceladura Italianu scalpellatura Tedescu Meißeln.

tàlla , nf: tàllia Definitzione tràgiu, usàntzia de bestire; mannària, misura de unu bestimentu (ma fintzes de sa carena) Ètimu itl. Tradutziones Frantzesu taille Ingresu size Ispagnolu talla Italianu tàglia Tedescu Größe.

tamàgnu , nm, nf: temagna, tamanu Definitzione sa mannària de sa carena: si narat fintzes de sa persona po is calidades Sinònimos e contràrios carenale, petza 2 / mannària / paramiche, parívile, pèrpere Maneras de nàrrere csn: fàchere, sichire a unu tamanu = a sa sighida, chentza sessare, totu a una tèmpera; èssere de su matessi tamanu = chepare, de su matessi andhare, de sa matessi idea; èssere a unu tamanu = de sa matessi manera Frases sunt totos duos de sa matessi temagna 2. sunt duos ladros de sa matessi temagna 3. su dellúbbiu universale est abbarrau baranta dies totu a unu tamanu ghetandhe abba a cartos ◊ chi sichies de custu tamanu no nche bocaes capu bonu ◊ sa bida sichit a su matessi tamanu de cada die Ètimu spn. tamaño Tradutziones Frantzesu taille Ingresu height Ispagnolu estatura, talla Italianu statura Tedescu Größe.

«« Torra a chircare