Ditzionàriu in línia
de sa limba e de sa cultura sarda

isòltre , nm, nf: isostra, isostre, isostro, isostru, soltre*, zostre Definitzione su logu chi abbarrat, in sa domo, asuta de sa teulada in mesu cun s'úrtima bòveda o s'úrtimu taulau, e inue si chistit fintzes cosa Sinònimos e contràrios desvanu, istàulu, pitzigedhu, pitzusostru, salàgiu, sobàriu Frases in sa domita bi at un'isostru a tauladu, ube su note drommint sos pisedhos Terminologia iscientìfica dmo Tradutziones Frantzesu mansarde, grenier Ingresu mansard, attic Ispagnolu desván Italianu mansarda, soffitta Tedescu Mansarde, Dachboden.

salàgiu, salàju , nm: salau, sobaju, solàgiu, solaju, soraju Definitzione su logu chi abbarrat, in sa domo, asuta de sa teulada in mesu cun s'úrtima bòveda o s'úrtimu intaulau, inue si chistit cosa o, si est mannu, faet fintzes a istare Sinònimos e contràrios desvanu, isòltre, istàulu, pitzigedhu / sobàriu Frases in su salaju betzu b'istat una fémina pòvera ◊ est semenendhe trigu, avena e orzu e pregat a ndh'incunzare unu salaju Terminologia iscientìfica dmo Ètimu itl. solaio Tradutziones Frantzesu grenier Ingresu garret Ispagnolu desván Italianu soffitta Tedescu Dachboden.

sobàriu , nm: solàriu Definitzione magasinu, logu inue si chistit su laore incungiau; a logos, pianu de pitzu, in sa domo Sinònimos e contràrios granale, isoltre, istàulu, pitzusostru, salàgiu Frases is libburedhus dhus tèngiu in su sobàriu ◊ sunt pesaus a su solàriu a cumpudai in su liori ◊ su meri ndi est arrutu abbascendindi unu sacu de trigu de su sobàriu ◊ custu líbburu dh'apu aciapau corrovendi in su solàriu in mesu de is carramatzinas Terminologia iscientìfica dmo Ètimu ctl. solar Tradutziones Frantzesu grenier Ingresu barn Ispagnolu granero, hórreo Italianu granaio Tedescu Getreidespeicher.