Ditzionàriu in línia
de sa limba e de sa cultura sarda

bonómine , nm Definitzione ómine giustu, àbbile, sàbiu, postu a peritziare dannos, addesumare o ispartzire interessos, pònnere paghes: po sa matessi cosa si narat fintzes solu ómine; si narat fintzes a unu calesiògiat ómine po dhu tzerriare, candho no s'ischit ite dhu narant 2. bonómine, e de ue sezis? Ètimu srd. Tradutziones Frantzesu médiateur, homme de confiance Ingresu peacemaker Ispagnolu conciliador Italianu pacière, uòmo di fidùcia Tedescu Versöhner, Vertrauensmann.

tratadòre , agt, nm Definitzione chi o chie si ponet in mesu de duos po dhos pònnere de acórdiu, pruschetotu chie andhat a foedhare fémina a cojuare po un'àteru Sinònimos e contràrios apagiadori, comisionàrgiu, mandhadàgliu, paraímpiu 2. Angheledha li at torradu medas bortas curcuricra e su tratadore a sa fine li at nadu de si ndhe chircare un'àtera Ètimu spn. tratador Tradutziones Frantzesu médiateur Ingresu mariator Ispagnolu mediador Italianu mediatóre Tedescu Vermittler.