Legenda Incurtzaduras | Legenda Sìmbulos

atuèdha , nf: toedha* Definitzione tretighedhu de terrenu chi si sèmenat po fàere sa prantàgia de prantare matuchedhu in àteru logu Sinònimos e contràrios argioledha, paru 3, pipiniera / agliola, tàula 1, taulare, tula Tradutziones Frantzesu pépinière Ingresu seedbed Ispagnolu semillero Italianu semenzàio Tedescu Saatkamp.

piantàza , nf: prantàgia, prantàglia, prantalla, prantarja, prantarza, prantaxa 1, prantaza Definitzione erbas de ortu, o fintzes matighedhas piticas, de bogare de s'argiola e de prantare inue depent fàere mannas; a logos est fintzes unu pàstinu a bide americana, o una terra posta a prantones de frutuàriu Sinònimos e contràrios postinaza, prantedu, pranteri Frases est prantàglia frisca e cheret abbada ◊ fato arzoledhas e bendho sa prantaza Ètimu ltn. plantaria Tradutziones Frantzesu pépinière Ingresu seedbed Ispagnolu plantón, semillero Italianu semenzale, piantime Tedescu Sämling.

pimpinièra , nf Definitzione barbatella, argiola de barbatellas, terra semenada a bisura de argiola po fàere prantones de itesisiat po prantamentu; fintzes padente de opinos Ètimu srd. Tradutziones Frantzesu pépinière Ingresu nursery Ispagnolu vivero Italianu vivàio Tedescu Fischteich, Baumschule.

pipinièra , nf Definitzione argioledha o tretu de terra chi si sèmenat po fàere sa prantàgia po erbas o birdura de ortu, po matighedhas de prantare, ma nau mescamente in cobertantza po logu o cosa ue dhue creschet cosa o abbitúdine mala / pònnere o prantare cosa a pipiniera = a filera, a tuedha, a cracu Sinònimos e contràrios argioledha, atuedha 2. sa musa issoro est… pipiniera ue b'incontras totu su chi cheres! ◊ in Silanos sos poetas pisedhos bi fint naschendhe a pipiniera Ètimu srd. Tradutziones Frantzesu pépinière Ingresu breeding ground Ispagnolu vivero Italianu vivàio Tedescu Baumschule.

prantéri , nm Definitzione fundhighedhos piticos de erbas de ortu po dhos prantare Sinònimos e contràrios piantaza Frases sa cibudha si prantat a pranteri e a conca Tradutziones Frantzesu pépinière Ingresu seed-plot Ispagnolu plantón Italianu semenzale, piantime Tedescu Sämling.

taulàre, taulàri , nm Definitzione orrugu de terrenu, tretighedhu postu po prantàgia, fatu o ispartziu cuadrau (fintzes parte de una bíngia, in logu de monte) Sinònimos e contràrios agliola, atuedha, paru 3, tàula 1, tula / birada Frases sos taulares sunt in cria ◊ est brotendhe su taulare de sas rosas 2. taularis e muros tretu tretu los assacarrant rú e bidighinzu Tradutziones Frantzesu pépinière Ingresu seedbed Ispagnolu semillero Italianu semenzàio Tedescu Saatfeld.

«« Torra a chircare