Ditzionàriu in línia
de sa limba e de sa cultura sarda

crastulài, crastulàre , vrb Definitzione istare naendho a s'afaiu de s'unu e de s'àteru cosas chi no dh'important, cricare is chistiones angenas Sinònimos e contràrios allicuterai, afoghilare, chiscuzare 1, contularjare, criticai, leuterare, lorodhare, naravegliare, pistizonare, zudicare Frases funt andaus a foras a pigai friscu e a crastulai! ◊ fimus restatos fenas a note crastulanne Ètimu srd. Tradutziones Frantzesu potiner Ingresu to gossip Ispagnolu chismorrear, cotillear Italianu spettegolare Tedescu schwatzen.

lorodhàre , vrb Definitzione istare a chistionu chentza cabu, naendho male de s'unu e de s'àteru; fintzes imbrutare Sinònimos e contràrios afoghilare, allicuterai, chiscuzare 1, contularjare, crastulai, criticai, lollughinare, pidanciulai, piscinargiai, zudicare Frases colant s'ora abbaidendhe a chie passat, lorodhendhe e ammentendhe cudhu tempus chi no torrat prus 2. mi fateit a bombitare s’ischifu pro sas cosas mias lorodhadas Ètimu srd. Tradutziones Frantzesu potiner Ingresu to gossip Ispagnolu chismorrear, cotillear Italianu spettegolare Tedescu klatschen.