Ditzionàriu in línia
de sa limba e de sa cultura sarda

cucuníu , nm Definitzione su frore de su samucu, nau deosi ca su frutu faet a pibionedhos tundhos Sinònimos e contràrios pibirimou Terminologia iscientìfica rbr Tradutziones Frantzesu fleur du sureau Ingresu elder flower Ispagnolu flor del saúco, sayuguina Italianu fióre del sambuco Tedescu Blume des schwarzen Holunders.

sabúcu , nm: sambucu, sammucu, saucu, savucu Definitzione s. mascru, genia de linna chi faet a mata no tanti manna, bogat is cambos noàdiles deretos che canna, no tanti longos, a nodos atesu de calecunu prammu, a meudhu grussu meda e modhe de si ndhe pòdere bogare cun facilidade: faet su frore a bisura de apicone (a paracu apertu apicau), biancu e minudedhu, e cumprit unu frutighedhu a pibionedhos pitichedhedhos (freguledha), niedhu candho est cotu / àtera calidade de s.: s. fémina o burdu o berbechinu, de fragu púdidu = Sambucus ebulus; s. areste = siserbi, malajana 1 (Viburnum tinus); a un'àtera calidade de samucu chi faet su frore in colore orrosa a bàtoro cabones e frutighedhu grogo dhi narant saucu righinu Sinònimos e contràrios biriboi Frases su cannone chi as tue est de saucu e sas ballas sunu de oltixu: cun armas gai che brachitu apedhas pro divertire sas criaduredhas! (Pirastru) Terminologia iscientìfica mt, Sambucus nigra Ètimu ltn. sabucus Tradutziones Frantzesu sureau Ingresu elder Ispagnolu saúco Italianu sambuco Tedescu Schwarzer Holunder.