telefonàda , nf Definitzione
su telefonare, foedhada in telèfono
Frases
innanti de imbiare sa lítera, bos faghet puru una telefonada ◊ apu inténdiu sa telefonada chi at fatu a mulleri mia
Tradutziones
Frantzesu
coup de téléphone
Ingresu
call (phone)
Ispagnolu
llamada telefónica
Italianu
telefonata
Tedescu
Anruf.
telèfono, telèfunu , nm: telèpene Definitzione
aparíciu chi permitit de furriare boghes e sonos a mudas de currente e de dhos mandhare, cun o chentza filu, a logu atesu: sinnalau distintu cun d-unu númeru a bisura de indiritzu e fatu de unu retzidore e de unu trasmitidore, permitit de si foedhare e de s'intèndhere cun boghe ladina de unu logu a s'àteru de su mundhu / min. telefoninu, telefonedhu = aparíciu portàtile, de busciaca; foedhare a ccn. in t. = itl. per telèfono
Frases
responne tue a cussu trumentu de telèfono! ◊ luxi, telèfunu, abba, fogagi e arrajus: su dinai nci essit benimindi! ◊ coita Luisa, c’est Luigi in su telèfunu!◊ est solu: sa muzere morta, sos fizos fora e petzi los intendhet in telèfono ◊ sorrestas mias mi ant fuedhau in su telèfonu ◊ in iscola no ses atenta, sèmpere apodhigandhe cussu lampu de telefoninu!
Tradutziones
Frantzesu
téléphone
Ingresu
telephone
Ispagnolu
teléfono
Italianu
telèfono
Tedescu
Telefon.