Ditzionàriu in línia
de sa limba e de sa cultura sarda

afràmicu , nm: fàmigu Definitzione su mantènnere, lassare o istare a fàmene Sinònimos e contràrios aframicosamentu Ètimu srd. Tradutziones Frantzesu privation de vivres Ingresu starving Ispagnolu el hacer pasar hambre Italianu affamaménto Tedescu Aushungerung.

arracàtu , nm: arrecatu, errecatu, recatu* Definitzione provistedha de cosas de papare: pane, pasta, ingaúngiu, alegúmene, e àteru, o fintzes erba, pàsculu (foedhandho de bestiàmene); totu su necessàriu po fàere una cosa (cosire unu bestire, iscríere) Sinònimos e contràrios bustu, màndhicu, papai 1, pàsculu / arrecàpidu Maneras de nàrrere csn: fai arrecatu = coxinai, fàghere a manigare; is arrecatus de iscriri = totu su chi serbit pro iscríere Frases seu codrimingendi unu pitzuedhu de arracatu ◊ si aggànciat s'arracatu e nch'istupat a su sartu ◊ oi no tengu de fai arrecatu ca seu cumbidau ◊ moviant a monte cun d-unu cantu de pane e casu po s'arrecatu de totu sa die Tradutziones Frantzesu vivres Ingresu provisions Ispagnolu víveres Italianu vìveri Tedescu Lebensmittel.

bivitóriu , nm: vivitóriu Definitzione su chi unu si papat, su papare Sinònimos e contràrios bívidu, bivu, màndhicu, vitantza Ètimu srd. Tradutziones Frantzesu vivres Ingresu provisions Ispagnolu víveres, vitualla Italianu vìveri Tedescu Lebensmittel.

vetuàza , nf: vituàglia Definitzione frunimentu, próvistas de papare prus che àteru po un'esércitu / uhm, pagu vetuaza! = foedhandho de s'arresurtau de unu trebballu, pagu resa, pagu profetu Sinònimos e contràrios ituàgia, provista Ètimu itl. vettuaglia Tradutziones Frantzesu vivres Ingresu provision Ispagnolu vitualla, víveres Italianu vettovàglia Tedescu Verpflegung.