Ditzionàriu in línia
de sa limba e de sa cultura sarda

asseguraméntu , nm: assicuramentu, seguramentu Definitzione su assegurare, su giare una seguresa; fintzes genia de festa candho duos cojaos noos acrarint sa coja, faent s'acabbamentu de coja / a. de su binu = iscolomadura o càmbiu de su binu a un'àtera cuba neta de no abbarrare cun sa feghe Sinònimos e contràrios assecuronzu, asseguradura Ètimu srd. Tradutziones Frantzesu assurance Ingresu assurance Ispagnolu aseguramiento Italianu assicuraménto Tedescu Versichern.

asseguratziòni , nf: assicurassione, assiguratzione Definitzione su assegurare, nau mescamente de sa suma chi si pagat po garantire unu bene e de su prémiu chi si ndhe podet tènnere in càmbiu si capitat de àere dannu: est fintzes s'impresa chi faet custa faina de assegurare; nàrrere o giare una cosa coment'e segura Sinònimos e contràrios asseguramentu, seguresa / segurtade Tradutziones Frantzesu assurance Ingresu assurance Ispagnolu seguro Italianu assicurazióne Tedescu Versicherung.