Ditzionàriu in línia
de sa limba e de sa cultura sarda

asurímini , nm: surímine Definitzione su èssere asuriosos Sinònimos e contràrios aggantzadura, aggranciúliu, arrestigore, asuria, aullimentu, cringonia, ingurdoneria, istrintúmene, limiore, susuncúmini / abudesa, agodíssia, agudéntzia, asuréntzia | ctr. bonugoro Frases maladitus, po una perda de galena, asurímini de meris, pipius sentza de babbu, pipius sentza de pani! (F.Perella) Ètimu srd. Tradutziones Frantzesu avarice, avidité Ingresu avarice, avidity Ispagnolu avaricia, avidez Italianu avarìzia, avidità Tedescu Geiz, Gier.

coghedhíu , nm Definitzione su naturale de su coghedhu, de chie no giaet mai nudha Sinònimos e contràrios aggantzidúdine, asurímini, gregúmene, ingurdoneria, limiore, migragna, susuncúmini Frases no nos dades mancu unu sodhu: Deus ndhe apat s'ànimu, de su coghedhiu bostru! Ètimu srd. Tradutziones Frantzesu avarice Ingresu avarice Ispagnolu avaricia Italianu avarìzia, spilorcerìa Tedescu Geiz.

limiòre , nm Definitzione su èssere limidos, susuncus, sa calidade de is arrestigos Sinònimos e contràrios aggrancidúdine, aggranciúliu, arrestigore, asurímini, atzechidúdine, ingurdoneria, istrintúmene, susuncúmini Frases lampu, cusse est su limiore fatu a ómine! ◊ lampu a limiore chi zughet cussu: mancu abba ti daet! Ètimu srd. Tradutziones Frantzesu avarice, avidité Ingresu avarice, greediness Ispagnolu avaricia, avidez Italianu avarìzia, avidità Tedescu Geiz.

susuncúmini , nm Definitzione su èssere susuncos, arrestigos Sinònimos e contràrios aggantzadura, aggarradura, aggrancidúdine, arrestigore, asurímini, atzechidúdine, gregúmene, ingurdoneria, istrintúmene, limiore, migragna Ètimu srd. Tradutziones Frantzesu avarice Ingresu avarice Ispagnolu avaricia Italianu avarìzia Tedescu Geiz.