Ditzionàriu in línia
de sa limba e de sa cultura sarda

bàgiu , agt: baju, baxu 1 Definitzione colore orrubiastu de su pilu, nau de is cuadhos o de is mulos / calidades diferentes de su matessi colore: b. ispanu, castàngiu, tintu o uscrau Maneras de nàrrere csn: bandat baju e benit murru = nau de fémina chi càmbiat fancedhu cun facilidadi; ómine o fémina baja = traitore, chi zughet sa traitoria a s'àteru Frases subra de s'achetu bellu pili baju tue mi fist gropera ◊ iscí, bàgiu, bastante currella amus fatu! Sambenados e Provèrbios smb: Baggiu, Bagiu, Baiu Terminologia iscientìfica clr Ètimu ltn. badius Tradutziones Frantzesu bai Ingresu bay Ispagnolu bayo Italianu bàio Tedescu rotbraun.

baía , nf Definitzione logu inue is naves si acostint po si difèndhere de is bentos, inue istant a s'aprigu, comente su mare che intrat in mesu de sa terra Sinònimos e contràrios cala Terminologia iscientìfica slg Ètimu spn. bahía Tradutziones Frantzesu baie Ingresu bay Ispagnolu bahía Italianu bàia Tedescu Bucht.