Legenda Incurtzaduras | Legenda Sìmbulos

asulèta , nf, nm: asuletu Definitzione colore prus cotu de su colore de aera; pruine po giare su coloredhu a is trastos samunaos; una genia de erba bona a tínghere in colore de aera Sinònimos e contràrios asuledhu, biaitinu, índagu Frases bendhiat de totu, in cussa buteghedha: púncias, tzafaranu e asuletu Terminologia iscientìfica clr, rba, Indigofera suffruticosa Ètimu spn. azulete Tradutziones Frantzesu bleu turquin Ingresu deep blue Ispagnolu celeste Italianu turchino Tedescu Tiefblau.

asúllu, asúlu , agt, nm Definitzione su colore de s'aera / zenias de a. = a. cotu o gàrrigu, a. craru o irbiaridu Sinònimos e contràrios biaitu, coloricheli Frases in cussos ojos de asulu mare si bidet su coro tou sentza neu Terminologia iscientìfica clr Ètimu spn. Tradutziones Frantzesu bleu Ingresu blue Ispagnolu azul Italianu azzurro Tedescu Hellblau.

biaítu , agt: braitu Definitzione genia de colore de aera cotu meda; nau de sa carre, chi est coment'e faendhosi niedha de pistadura o de su fritu Sinònimos e contràrios blau, bleu, bronetinu, druchesau, méschinu, truchesau / lidu Maneras de nàrrere csn: biaitu muradu = biaitu in colore de mura, biaitu meru; pedra biaita = zenia de pedra pro prendhas, fintzas sorfato de ràmine (manizadu pro meighina) Frases miro in altu s'aera biaita ◊ sentidos vagabbundhos che metèoras in s'infinidu camauru biaitu sunt giampanados isetos austidos (C.De Martis)◊ su bene chi retzis lu rúspias in fele biaitu! 2. comente so rutu so totu marcos biaitos ◊ de su fritu zughet fintzas sas manos biaitas ◊ un'istuturrada a càvanos mi at lassadu su marcu biaitu piús de una chida! Terminologia iscientìfica clr Ètimu itl. biadetto Tradutziones Frantzesu bleu, cyanotique Ingresu blue, cyanotic Ispagnolu azul Italianu azzurro, cianòtico Tedescu himmelblau, zyanotisch.

blàu, blàvu , agt: brabu, brau Definitzione genia de colore, prus che àteru asulu cotu Sinònimos e contràrios biaitu, bleu, bronetinu, coloricheli, méschinu Sambenados e Provèrbios smb: Brau Terminologia iscientìfica clr Ètimu ctl. blau Tradutziones Frantzesu bleu bleu clair (ciel) Ingresu sky blue Ispagnolu azul celeste Italianu azzurro, celèste Tedescu himmelblau, hellblau.

bléu , agt Definitzione biaitu cotu Sinònimos e contràrios samegninu Ètimu frn., itl. bleu Tradutziones Frantzesu bleu (foncé) Ingresu blue Ispagnolu azul Italianu blu Tedescu blau.

colorichéli , nm Definitzione colore de aera, de chelu Sinònimos e contràrios asulu, blau Terminologia iscientìfica clr Ètimu srd. Tradutziones Frantzesu bleu ciel Ingresu blue Ispagnolu azul Italianu azzurro Tedescu hellblau.

solitària, solitàriu , nf, nm: sulitaju, sulitàriu Definitzione mérula de turre, genia de pigione chi assimbígiat a su turdu, niedhu, faet su niu fintzes in istampos mannos in is muros de is domos a oros de fora de sa bidha, costumat a istare a sa sola Frases solitàriu, fui: sa bidha no est logu de puzones! Terminologia iscientìfica pzn, monticola solitarius Tradutziones Frantzesu merle bleu Ingresu blue rock thrush Ispagnolu roquero solitario Italianu pàssero solitàrio Tedescu Blaudrossel.

«« Torra a chircare