Legenda Incurtzaduras | Legenda Sìmbulos

corriedhàtzu , agt Definitzione chi corriedhat, orrúmbulat cun facilidade, chi si che fúrriat, no istat firmu, est giogulagiógula Sinònimos e contràrios arrumbulanu, arrumbulutzu, badharinu, corriallullu, corriazolu, lumburutzu, rodhulanu Ètimu srd. Tradutziones Frantzesu instable Ingresu changeable Ispagnolu inestable Italianu instàbile Tedescu unbeständig.

giogulagiógula , avb Definitzione dhu narant de una cosa chi no cicit bene inue depet andhare e istat a su move move, ballarinu Sinònimos e contràrios catulicàtuli Ètimu srd. Tradutziones Frantzesu instable Ingresu changeable Ispagnolu inestable Italianu instàbile Tedescu unbeständig.

ilvadrigulàdu , agt Definitzione nau de cosa o de persona, chi est giogulagiógula, no istat firmu, a su move move, pagu seguru Sinònimos e contràrios tzanchitzanchi Frases sas cadreas fint totu a bículos, sas antinas de su móbbile totu ilvadriguladas dae sos punzos (S.Saba) Tradutziones Frantzesu instable Ingresu changeable Ispagnolu inestable Italianu instàbile Tedescu unbeständig.

mudóngiu, mudónzu , nm, agt: muróngiu Definitzione su mudare; cosa posta po muda, mescamente bestimentu nou, càmbiu, fintzes cosa posta o fata po bellesa; chi mudat, chi càmbiat o chi podet cambiare Sinònimos e contràrios cambiamentu, mudadura / ammudóngiu, cumpoltura, tràmmudu / mudaditzu, mudangiosu Frases po èssiri apretziada sa personi tua depit èssi posta che frori de mudóngiu in sa mesa ◊ est pramma "Phoenix canariensis", cussa de mudóngiu ◊ su muróngiu de sa coxina funta crobis, parinedhas e canistedhus ◊ fillu istimau, ses su mudóngiu de su giardinu! 2. bi at cussonantes de sonu mudóngiu: sunt sa /c, ch/, sa /f/, sa /p/, sa /t/ candho sunt in comintzu de peràula apustis de peràula chi agabbat cun vocale (su cane = nr. sugàne, sa chena = nr. saghèna, su ferru = nr. suvérru, su pane = nr. subàne, sa terra = nr. sadèrra) Ètimu srd. Tradutziones Frantzesu changeant Ingresu changeable Ispagnolu mudable, cambiante Italianu mutévole, cangiante Tedescu veränderlich, schillernd, changierend.

tracujósu , agt Definitzione nau de su tempus, chi no est firmu, chi no est assentau, chi est in cambiamentu Sinònimos e contràrios móidu Frases custu tempus est tracujosu: est acanta a pròiri Tradutziones Frantzesu variable Ingresu changeable Ispagnolu variable Italianu variàbile Tedescu unbeständig.

«« Torra a chircare