Ditzionàriu in línia
de sa limba e de sa cultura sarda

ballòna , nf: balona Definitzione tira de cosa, coment'e unu collu, chi si ponent is preides in su tzugu Sinònimos e contràrios cuégliu Terminologia iscientìfica prdc Ètimu ctl. balona Tradutziones Frantzesu col romain Ingresu clerical collar Ispagnolu collarín, alzacuello, gorjal Italianu collare da prète Tedescu Kollar.

buturàda , nf Definitzione tira de pedhe (o de àteru) chi si ponet in su tzugu a is animales, pruschetotu po dhis apicare sa sonàgia Sinònimos e contràrios cannaca, collana, guturada*, loturada Tradutziones Frantzesu collier Ingresu collar Ispagnolu collar Italianu collare Tedescu Halsband.

collète , nm: culletu Definitzione in is bestimentos, s'oru a inghíriu de su tzugu / leare a unu a collete = leàrelu a sa bestimenta, a s'oru de su trugu, a che lu catzare Sinònimos e contràrios collu, tzughera, tzughitu Ètimu itl. Tradutziones Frantzesu col Ingresu collar Ispagnolu cuello Italianu collétto Tedescu Kragen.

cóllu , nm Definitzione in is bestimentos, s'oru a inghíriu de su tzugu / unu tempus, su collu de sa camisa fut cosa de valore, ca dhue boliat trebballu meda a dhu fàere e si cambiaiat de una camisa a s'àtera: de cussu su nàrrere Mancari bi ponza su collu de sa camisa! (po lòmpere a s'intentu)/ fàchere a collu unu pecus, fàghere su c. a un'animale = fàghereli sa domadura, a manera de lu pòdere leare a fune, comente cheret s'ómine Sinònimos e contràrios cabessu, collete Frases in dossu gighiat unu corpete de bellutinu chin su bentone chena collu 2. medas domadores faghiant su collu a sos pudhedros de domare triulendhe in arzola Sambenados e Provèrbios smb: Collu Tradutziones Frantzesu col Ingresu collar Ispagnolu cuello Italianu collétto Tedescu Kragen.

guturàda , nf: guturata Definitzione tira larga de pedhe (o de àteru) chi si ponet a is animales in su tzugu po dhis apicare sa sonàgia; collana de sonajolus o de frores chi si ponet a is cuadhos o a is boes chi andhant a festa Sinònimos e contràrios buturada, cannaca, collana, loturada Frases fiant guturadas largas e frorias fatas a telàrgiu 2. in petorras zuchet sa guturada de oro chi li ant dau Ètimu srd. Tradutziones Frantzesu collier Ingresu collar Ispagnolu collar Italianu collare Tedescu Halsband.

tzughítu , nm: tzuglitu Definitzione collu de camisa Sinònimos e contràrios bàbaru, tzugaredhu, tzughera Frases camisa sentz'e tzughitu Ètimu srd. Tradutziones Frantzesu col Ingresu collar Ispagnolu cuello Italianu bàvero Tedescu Kragen.