Ditzionàriu in línia
de sa limba e de sa cultura sarda

buturàda , nf Definitzione tira de pedhe (o de àteru) chi si ponet in su tzugu a is animales, pruschetotu po dhis apicare sa sonàgia Sinònimos e contràrios cannaca, collana, guturada*, loturada Tradutziones Frantzesu collier Ingresu collar Ispagnolu collar Italianu collare Tedescu Halsband.

cannàca , nf: cannanca Definitzione genia de prendha (de oro, coradhu, pèrela, àteru); tira de tessíngiu a pònnere in su tzugu a is animales po bellesa, genia de ammostos a frores; is nàcaras chi a bortas pendhent asuta de sa barra a crabas e brebès Sinònimos e contràrios collana, crobu 1, ghetau / nàcara Maneras de nàrrere csn: orgiau cannaca = pilloni chi si assimbillat a s'atrapadita ’e terra e portat una cannaca bianca (= orgiali de is cannas?); fai sa cannaca a unu = pònnere sas ganghedhas; cannaca cadenatzada = cannaca a pibionis de òru incadenatzaus; is cannacas de s'orrosàriu = sas postas de sa corona; cannaca de sartitzu = crobu de sartitza Frases bestiant de rúgiu, cun su mucadore afroriau e cun sas cannacas de òru ◊ ti emu a fai una cannaca téssia de folla de arrosa ◊ funt cannacas a nuxedhas, a pibionis ◊ dha mudat sa cannaca de òru chi portat trogada in su tzugu 2. lah, seus in tres: oi ti feus sa cannaca si no torras su dinai! Terminologia iscientìfica prd Ètimu itl.s cannacca Tradutziones Frantzesu collier Ingresu necklace Ispagnolu collar Italianu collana Tedescu Halskette.

collàna , nf: conalla Definitzione genia de cosa (tira de pedhe, filera de frores o prendhas intraos in d-unu filu) chi si ponet in su tzugu e si lassat pèndhere in petorras (sa de is animales, si est de pedhe, abbarrat giusta, larga cantu bastat po no dhis nòghere) Sinònimos e contràrios buturada, cannaca / collete, collu / cdh. cudhana Frases is burricus no pretendant de èssi a conalla coment’e is meris! Terminologia iscientìfica prd Ètimu itl. Tradutziones Frantzesu collier Ingresu necklace Ispagnolu collar Italianu collana, collare Tedescu Kette, Halsband.

guturàda , nf: guturata Definitzione tira larga de pedhe (o de àteru) chi si ponet a is animales in su tzugu po dhis apicare sa sonàgia; collana de sonajolus o de frores chi si ponet a is cuadhos o a is boes chi andhant a festa Sinònimos e contràrios buturada, cannaca, collana, loturada Frases fiant guturadas largas e frorias fatas a telàrgiu 2. in petorras zuchet sa guturada de oro chi li ant dau Ètimu srd. Tradutziones Frantzesu collier Ingresu collar Ispagnolu collar Italianu collare Tedescu Halsband.