Ditzionàriu in línia
de sa limba e de sa cultura sarda

cadèna , nf: carena 1, catena Definitzione genia de cosa longa po acapiare fata a tantos lobos intraos apare (mescamente de metallu); impíciu grae, acàpiu légiu; filera de fundhos de bide; chedha de cuadhos acapiaos apare po treulare; filera de latzos po cassare pigiones / min. cadenedha = cadena pitica Sinònimos e contràrios arrenghera, fibera, fila, filerina, giuali, lérina, óldine Maneras de nàrrere csn: cadenita = prendha de zúghere in trugu apicada; cadena de sa domo = biga maista de sa teulada; una cadena se sarmentu = un'órdine de bide; puntu de cadena = zenia de cosidura Frases a su gantzellu l'ant postu una cadena pro lu muntènnere serradu ◊ teniant su mannale presu a cadena ◊ si sa pessone no agguantat a paràulas no abbarrat mancu presa a cadena 2. cussu est una cadena, no un'amigu! 3. is cadinus po binnennai furint in conca de cadena Ètimu ltn. catena Tradutziones Frantzesu chaîne Ingresu chain Ispagnolu cadena Italianu caténa Tedescu Kette.

collàna , nf: conalla Definitzione genia de cosa (tira de pedhe, filera de frores o prendhas intraos in d-unu filu) chi si ponet in su tzugu e si lassat pèndhere in petorras (sa de is animales, si est de pedhe, abbarrat giusta, larga cantu bastat po no dhis nòghere) Sinònimos e contràrios buturada, cannaca / collete, collu / cdh. cudhana Frases is burricus no pretendant de èssi a conalla coment’e is meris! Terminologia iscientìfica prd Ètimu itl. Tradutziones Frantzesu collier Ingresu necklace Ispagnolu collar Italianu collana, collare Tedescu Kette, Halsband.

filléri , nm Definitzione cosa prus che àteru pitica agguantada impare cun calecunu filu a bisura de collana / f. de càriga = corona de figu sicada Sinònimos e contràrios fibera, filare Frases sa càriga candho si collit neta e assuta si faghet a filleris Tradutziones Frantzesu enfilade Ingresu string Ispagnolu sarta Italianu filza Tedescu Kette.

gríglios , nm pl: grillos, grillus Definitzione genia de trobea o cadena chi poniant a is manos o a is peis e pesu chi poniant a is presoneris Sinònimos e contràrios griglione, musas Terminologia iscientìfica ans Ètimu spn. Tradutziones Frantzesu chaîne Ingresu chain, iron block Ispagnolu grillos Italianu caténa, céppo di fèrro Tedescu Kette.

oldíu , nm: ordidu, ordiu Definitzione su filau chi s'isterret de unu ixubru a s'àteru in su telàrgiu (tramítidu in is litzas) po fàere su tessíngiu Sinònimos e contràrios odríngiu Terminologia iscientìfica ts Tradutziones Frantzesu chaîne, ensemble des fils parallèles disposés dans le sens de la longueur d'un tissu Ingresu warp Ispagnolu urdimbre Italianu ordito Tedescu Kette, Zettel.