Ditzionàriu in línia
de sa limba e de sa cultura sarda

fradíbi , nm: fradile, fradili, fradiri, frarili, fratile, fratili Definitzione chie est fígiu de mama o de babbu chi est sorre o frade de sa mama o babbu de un'àteru (o àtera), fígiu de tziu o tzia frade o sorre de su babbu o de sa mama: est su chi a logos narant fradile carrale, de primu gradu Frases sa bonànima de maridu miu fiat fradili in tres cun Francischinu ◊ funt fradibis de intradura ◊ cussa domo dha tenent is fradiles po pònnere pàgia ◊ comintzeint a si cojuare tra fradiles pro mantènnere su bene in família Terminologia iscientìfica ptl Ètimu ltn. fratuele(m) Tradutziones Frantzesu cousin Ingresu cousin Ispagnolu primo Italianu cugino Tedescu Cousin, Vetter.

germànu , nm: ghermanu, giolmanu, grammanu, gremmanu, zermanu Definitzione (f. -a) ghermanu primarju, fradile de segundhu gradu (fígiu de tziu fradile o de tzia sorresta de su babbu o de sa mama): a logos, manu primarzu / ozu ghermanu = ozuermanu, de olia Sinònimos e contràrios bremanu Frases germanu miu est surdu perdali ◊ poniant su lutu pro su mortu fintzas sas sorrestas e sas gremmanas primazas, a bortas Terminologia iscientìfica ptl Ètimu ltn. germanus Tradutziones Frantzesu cousin germain Ingresu second cousin Ispagnolu primo segundo Italianu cugino di 2° grado Tedescu Vetter oder Cousin zweiten Grades.

ghermàna , nf Definitzione sorresta segunda, de segundu gradu (fígia de tziu fradile o de tzia sorresta de su babbu o de sa mama) Terminologia iscientìfica ptl Tradutziones Frantzesu cousine germaine Ingresu second cousin Ispagnolu prima segunda Italianu cugina di 2° grado Tedescu Base oder Cousine zweiten Grades.

sorràsta, sorràstra , nf: sorresta, sorrestra Definitzione fígia de unu tziu o de una tzia frade o sorre de mama o de babbu (ma sorrastra a logos est sorre de unu lados – perra – e narant sorrestra a fígia de tziu o tzia) Frases is parentes ant passau sa note cun is sorrestas e cun is cumpàngias ◊ is nebodis chi tenit sunt fillus de fradilis e sorrestas ◊ sas pitzinnas no ant saludau mancu sa sorrestra, ammurrocadas! ◊ sa sorrestedha fiat abetendi su fradili ◊ apo bistu a Maria, fígia de sorresta mia, andhandho a leare abba Terminologia iscientìfica ptl Ètimu srd. Tradutziones Frantzesu cousine Ingresu cousin Ispagnolu prima Italianu cugina Tedescu Kusine.