Ditzionàriu in línia
de sa limba e de sa cultura sarda

apetitòja , nf: pititoja Definitzione cosa a papare bona o chi praghet meda Sinònimos e contràrios bobboe, gulosina, licantzadoria, licantzúmene, liconia, pititeria Terminologia iscientìfica mng Ètimu srd. Tradutziones Frantzesu gourmandise Ingresu delicacy Ispagnolu manjar Italianu leccornìa Tedescu Leckerei.

delicadèsa , nf: dilicadesa, dilicatesa Definitzione su èssere delicau de una cosa, ma mescamente de unu fàere, nau fintzes in su sensu de àere arrespetu, atentzione, duritu Sinònimos e contràrios amànsciu, debbilesa, dilichia, dilighesa | ctr. maluggrabbu Frases a fígia mia dh'apo pesada cun delicadesa ◊ custa est cosa de leare cun delicadesa, ca sinono si segat, totu ◊ in chistiones goi bi cheret delicadesa ca sa zente si podet fintzas primmare ◊ íntrali cun delicadesa, mighi che iscontzas totu comente ti pones a tocare! ◊ zai ti dhas at zadas mamma tua sas delicadesas, mesches candho bufas!… Tradutziones Frantzesu délicatesse Ingresu delicacy Ispagnolu delicadeza Italianu delicatézza Tedescu Zartheit.

dilichía , nf: dilighia, diligia Definitzione su èssere delicau de unu o de una cosa, ma mescamente de unu fàere Sinònimos e contràrios amànsciu, delicadesa, dilighesa Frases la nínniant sas fadas cun dilichia pro no l'ischidare ◊ cun dilighia at cumbintu su maridu chi su fizu fit isseperendhe su zustu Ètimu srd. Tradutziones Frantzesu délicatesse, fragilité Ingresu delicacy, fragility Ispagnolu delicadeza, fragilidad Italianu delicatézza, fragilità Tedescu Zartheit, Zartgefühl.

dilighèsa , nf Definitzione su èssere díligu de una cosa, ma mescamente de unu fàere Sinònimos e contràrios amànsciu, delicadesa, dilichia, diligura Frases est su dovere de onzi tzitadinu su de li usare dilighesa a s'ambiente Ètimu srd. Tradutziones Frantzesu délicatesse, fragilité Ingresu delicacy, fragility Ispagnolu delicadeza, fragilidad Italianu delicatézza, fragilità Tedescu Zartheit, Zartgefühl, Zerbrechlichkeit.

finèsa , nf Definitzione su èssere de pagu grussària; foedhandho de cumportamentu, manera de fàere díliga, atentzionada, crabbosa, de no ofèndhere, de fàere su giustu Sinònimos e contràrios finària, finétzia, finitesa, lechesa, lecura, sutilesa / dilicadura, dilighesa | ctr. russària 2. mai tui mi as fatu biri una finesa de amori! ◊ cun genti de pagu finesa est malu su ponni amori Tradutziones Frantzesu finesse, délicatesse Ingresu delicacy Ispagnolu fineza Italianu finézza, delicatézza Tedescu Dünnheit, Feinheit.

gulosína , nf Definitzione cosa a papare chi praghet meda, licante Sinònimos e contràrios apetitoja, bobboe, ingula, licantzadoria, licantzúmene, liconia, pititeria Ètimu ctl., spn. Tradutziones Frantzesu gourmandise, morceau de roi Ingresu delicacy Ispagnolu golosina Italianu boccóne ghiótto, leccornìa Tedescu Leckerbissen.

licantzadoría , nf Definitzione cosa de papare licantza, gustosa meda Sinònimos e contràrios apetitoja, arrechessitu, bobboe, gulosina, licantzúmene, licardina, liconia, pititeria Frases in sa càscia serrada a frísciu mamma bi cuaiat sas licantzadorias ◊ fint licantzadorias preparadas abbididamente pro Pasca Ètimu srd. Tradutziones Frantzesu gourmandise, morceau de roi Ingresu delicacy Ispagnolu exquisitez, manjar Italianu leccornìa, prelibatézza Tedescu Leckerei.