Ditzionàriu in línia
de sa limba e de sa cultura sarda

aggalenàre , vrb Definitzione pigare sonnu Sinònimos e contràrios abeliari, apisulinare, assograi, galare, ingalenare / imbasare, irganzare, iscadangiai, sucunzare, tambai | ctr. abbertudare, ischidare Frases fit in irverru, note de traschia, su sonnu no potia aggalenare (A.Contu) Tradutziones Frantzesu s'assoupir, entrouvrir Ingresu to doze off, to half-close Ispagnolu adormilarse Italianu assopirsi, socchiùdere gli òcchi Tedescu einschlummern.

ammacúliu , nm Definitzione su ammaculiare, su dormire, su istare dormios, fintzes sonnu grae Sinònimos e contràrios ammaculiamentu, ingalenadura / calatzone Ètimu srd. Tradutziones Frantzesu torpeur, léthargie Ingresu doze, lethargy Ispagnolu sopor, letargo Italianu sopóre, letargo Tedescu Lethargie.

apisulinàre , vrb Definitzione pigare sonnu Sinònimos e contràrios aggalenare, agghilimare, galare, ingalenare | ctr. ischidare Ètimu itl. Tradutziones Frantzesu s'assoupir Ingresu to doze off Ispagnolu adormecerse Italianu appisolarsi Tedescu einschlummern.

dormitài, dormitàre , vrb: drommitai Definitzione èssere sonnisonni, èssere o istare intr'e billa e sonnu, a su dormi dormi, tènnere sonnu Sinònimos e contràrios addormichinzare, melinare, pintzulare, sonnigai / sconchiai, sconcoinai, tzurumbecare, tzilibbecare Tradutziones Frantzesu sommeiller Ingresu to doze Ispagnolu dormitar Italianu dormicchiare Tedescu schlummern.

ingalenàre , vrb: ingalinai, ingalinare, inghelenare Definitzione su primu pigare sonnu, cumenciare a dormire, dormire pagu pagu; pigare o bínchere ccn. cosa comente faet su sonnu Sinònimos e contràrios abeliari, aggalenare, agghilimare, ammaculiare, apisulinare, assograi, galare, ingalighinare, ingallinare | ctr. ischidare Frases si m'ingalenaia drommia chin d-un'ogru abbertu e unu tancadu! ◊ suta de pàsidas umbras m'ingaleno ◊ no resesso a m'ingalenare ◊ si ndhe inghelenat comente si ndhe dormiat in sa coa de sa mama ◊ mi seu ingalinau in s'oru de sa forredha 2. pro ingalenare sa solidade soniat su ballu cun d-unu frusciedhu ◊ in s'umbra de s'aposentu s'ingalinant sos disizos Tradutziones Frantzesu s'assoupir Ingresu to doze off Ispagnolu adormilarse Italianu appisolarsi, assopire Tedescu einschlummern.

surtidédhu , nm Definitzione min. de súrtidu, dormia de pag'ora Sinònimos e contràrios drommidedha, surtighedhu Tradutziones Frantzesu petit somme Ingresu doze Ispagnolu siesta Italianu sonnellino Tedescu Schläfchen.

tzilibbecàre , vrb: tzilimbecare, tzirimbecare Definitzione tontonare sa conca lassandhodha orrúere a cropu, dormindhosi cicios, tènnere sonnu meda de no poderare sa conca firma Sinònimos e contràrios abbiocare, dormitai, isconchidare, sconchiai, sconcoinai, tzurumbecare Frases isse cantilenandhe e tzilimbecandhe e su sonnu falàndheli che bistrale ◊ est tzilimbecandhe serente su foghile Ètimu srd. Tradutziones Frantzesu sommeiller Ingresu to doze Ispagnolu dormitar Italianu sonnecchiare Tedescu schlummern.