Ditzionàriu in línia
de sa limba e de sa cultura sarda

Est , nm, agt Definitzione unu de is bàtoro puntos cardinales, a sa bandha de ue essit su sole, incurtzau a E Sinònimos e contràrios oriente | ctr. ovest Tradutziones Frantzesu est Ingresu east Ispagnolu este Italianu est Tedescu Osten, Ost.

levànte 1, levànti , nm Definitzione unu de is bàtoro puntos cardinales, sa parte de ue essit su sole; genia de bentu, bentu de sole, budhiu, chi benit de cussa parte Sinònimos e contràrios oriente | ctr. ponente Frases sos bentos de levante sunt garrigandhe s'oro in sa marina frisca… Terminologia iscientìfica tpm Tradutziones Frantzesu levant, Est Ingresu east Ispagnolu levante Italianu levante Tedescu Osten, Ostwind.

oriènte, oriènti , nm Definitzione unu de is bàtoro puntos cardinales, sa bandha ue paret chi essit su Sole su mengianu, fintzes pigandho coment'e línia de distintzione su meridianu de Greenwich (chi serbit po distintzione assoluta: sa metade de sa Terra a sa bandha de ue essit su Sole est s'oriente partendho de Greenwich) Sinònimos e contràrios levante 1 | ctr. ocidente Tradutziones Frantzesu orient Ingresu east Ispagnolu oriente Italianu oriènte Tedescu Ost, Osten.