Legenda Incurtzaduras | Legenda Sìmbulos

àssiu , nm Definitzione su cuntentu chi provat chie si ndhe at bogau unu disígiu o est arrennésciu a s’iscabbúllere de unu bisóngiu Sinònimos e contràrios apagnu, contentu, grangeu Ètimu srd. Tradutziones Frantzesu assouvissement Ingresu fulfilment Ispagnolu satisfacción Italianu appagaménto Tedescu Befriedigung.

crompiméntu , nm: crumpimentu, cumprimentu, giompimentu, lompimentu Definitzione su cumprire de is cosas, su crèschere e lòmpere a su puntu giustu, bonas de serbire, nau fintzes de personas, de òperas e de fatos de sa vida; si narat fintzes po brindhu, su cumprire a un'istràngiu, a un'amigu, donu chi si giaet, giare o nàrrere cosa chi dhi podet fàere praxere Sinònimos e contràrios cumpridura, dimprimentu 2. a su cumprimentu de s'annu a su pobidhu sa fiuda dhi at fatu su cocòi ◊ - a su crompimentu! - Deus cherzat! ◊ mancu l'ischiabamus chi fizis ammorandhe: a su crumpimentu! ◊ a su crumpimentu: a lu bierezas mannu e birtudosu, su pitzinnu! ◊ a su crumpimentu potant arribbare! 3. su binu pro su cumprimentu no at a mancare! ◊ su cumprimentu cheret fatu: ca s'est cojuau, Chírigu depet tènnere un'arregodu de su nonnu! 4. totu si frimmaiant a li fàghere sos cumprimentos ca aiat dadu sos ixàminos ◊ de carchi parente petzi ndhe at tentu malos cumprimentos Ètimu srd. Tradutziones Frantzesu accomplissement Ingresu fulfilment Ispagnolu realización Italianu compiménto, realizzazióne Tedescu Durchführung.

lompiméntu , nm: crompimentu, giompimentu* Definitzione su cumprire de is cosas, su crèschere e lòmpere a su puntu giustu, bonas de serbire, nau fintzes de personas, de òperas e de fatos de sa vida; nau de giòvonos cojuandho, acabbamentu de cójua Sinònimos e contràrios cumpridolza, cumpridura, dimprimentu Frases ant agatau una creatura morta ma no si cumprendhet si fiat de lompimentu 2. candho faiant su lompimentu, isparaiant daghi moviat s'isposu po andhare a dommo de s'isposa ◊ sa festa de su lompimentu como si narat fidantzamentu Tradutziones Frantzesu maturation Ingresu ripening, fulfilment Ispagnolu maduración Italianu compiménto, maturazióne Tedescu Reife.

«« Torra a chircare