chepàre, chepàri , avb Definitzione che pare = cant'e pare, totunu, de su matessi andhare o mannària: segundhu comente si narat, bolet nàrrere méngius, chi no faet mancu a dhu pònnere apare ca est de seguru prus o méngius / est totu chepare = est totunu, uguale Sinònimos e contràrios aguale, cabale, ténticu | ctr. diferente Frases de fronte a sa morte semus totugantos chepare ◊ no est mai chepare: una die est gai e una die est goi ◊ in totaganta s'ísula sunt sas usàntzias guasi chepare ◊ Deus ti diat donos chi in logu no ndhe apat totu chepare bonos! ◊ sas féminas de oe sunt chepare cun sos ómines ◊ maigantas àteras cosas, chepari bellas, sunt andhadas pérdidas ◊ chepare pro ambos cheret su contivizu! 2. totu chepare a fàghere goi!…◊ chepare trancuillu fia istadu, si aia fatu gai!…◊ chepare menzus ti ndhe fis bidu, si aias zutu cabu!… Ètimu srd. Tradutziones Frantzesu pareil, semblable, identique Ingresu similar, identical Ispagnolu idéntico Italianu sìmile, idèntico Tedescu ähnlich, identisch.

spindítu , agt Definitzione chi est precisu precisu che un'àteru (lintu e pintu) Sinònimos e contràrios pentifilau, ténticu Tradutziones Frantzesu identique Ingresu identical Ispagnolu idéntico Italianu idèntico Tedescu identisch.

totúnu , agt Definitzione chi est totu unu, totu che pare, nau cun duos significaos diferentes segundhu comente si faet sa boghe ponendho apare duas cosas: a) chi no dhue at peruna diferéntzia, nau fintzes in su sensu de pèrpere, totu pínnigu parívile, b) chi est meda méngius (ma cun custu significau si narat in cuménciu de sa fràsia) Sinònimos e contràrios matessi / pèrpere / menzus Frases custu est totunu de cussu ◊ totunu su cumassu, totunu su pesu ◊ custa fémmina portiat sa gunnedha totuna cun sa de un'àtera ◊ oi su celu est bellu asulu de totunu colori ◊ is frades dromiant in totunu letu ◊ a medas, anzone o boe domau lis parent totunu! 2. ello no cherzo cussu: totunu, custu!…◊ totunu a fàghere goi!…◊ totunu in s'ierru!…◊ totunu a marrai e a bendi in butega!…◊ chi ti nci portat, fuidí: totuna cosa est, innòi! ◊ totunu is istradas nostras!…◊ custu lati parit àcua: totunu su lati de brebei!… Tradutziones Frantzesu identique Ingresu identical Ispagnolu idéntico Italianu idèntico Tedescu identisch.

«« Torra a chircare