Legenda Incurtzaduras | Legenda Sìmbulos

giudicài, giudicàre , vrb: giuricai, giudigare, zudicare Definitzione averguare, mescamente in is dibbatimentos, is acusas e is curpas, su trotu e s’arrexone cunforma a is leis e betare sa pena istabbilia, o fintzes cunsiderare ite est méngius e ite est peus; foedhare de chistiones angenas, no sèmpere ca pertocat a chie tenet ite de nàrrere, e prus che àteru po ndhe nàrrere male Sinònimos e contràrios afoghilare, contularjare, crastulai, criticai, lorodhare Frases sa zente si giudigaiat issa etotu ◊ dare consizos gratis, giudigare sunt a betada de manu de sas pessones: però àtera cosa est s'operare! (Z.Zazzu)◊ Cristus at a torrai po giudicai bonus e malus ◊ si giudichendhe ant fatu su giustu, chi los azuet Santa Malgarida! (Piredda)◊ su trebballu nostu no est de giudicare is poesias, ma de dhas fàere connòschere 2. s'est citia po no dha giuricai sa genti ◊ a giuricai no bandat bèni, ca seus totus pecarois ◊ cussa at a portai su priogu a genugu, ma est sempri giurichendi! Ètimu itl. Tradutziones Frantzesu juger, censurer Ingresu to judge, to censor Ispagnolu juzgar, censurar Italianu giudicare, censurare Tedescu urteilen, beanstanden, kritisieren, rügen.

giúge , nm: giugi, zuze Definitzione magistrau chi in is dibbatimentos betat sa senténtzia averguandho is acusas e is curpas, su trotu e s’arrexone cunforma a is leis e betat sa pena istabbilia Sinònimos e contràrios giudicadore, giuighe Terminologia iscientìfica prf Ètimu ctl. jutje Tradutziones Frantzesu juge Ingresu judge Ispagnolu juez Italianu giúdice Tedescu Richter.

pratòri , nm: pretore, pretori Definitzione giúdice chi cumponet pretos prus che àteru in primu gradu, tenet cumpeténtzia in su mandhamentu e solu po unas cantu chistiones / fàchere dimandhas cun sa cara de unu pretore = che unu chi imbístigat chirchendhe sa curpa Frases calchi cosa no la naraia comente cheriat issu: tandho si bi atacaiat che pretore ◊ seu isprichendidhu sa cosa po chi su pratori dha potzat isprobugai! Terminologia iscientìfica prf Tradutziones Frantzesu juge de première instance Ingresu lower court judge Ispagnolu juez de primera instancia Italianu pretóre Tedescu Amtsrichter.

«« Torra a chircare