Ditzionàriu in línia
de sa limba e de sa cultura sarda

abbunzósu , agt, nm Definitzione chi o chie acostumat a fàere sa cosa male, a improdhu Sinònimos e contràrios abbullutzosu, aciapinadori, aciaputzadore, aciorodhosu, afioncadori, afrodhoncheri, ciapussu, ciaputzeri, coredheri, fangotu, imbrastiosu, imburdugheri, impiasteri, improdheri, inciorodheri, indrovigosu, mafrodho, precoceri Frases tue gígura trista ses abbunzosa, ladrona, egoista ◊ ma cale mastru: abbunzosu est, cussu! Terminologia iscientìfica ntl Ètimu srd. Tradutziones Frantzesu brouillon Ingresu messer Ispagnolu chapucero Italianu pasticcióne Tedescu Pfuscher.

afrodhiéri , nm, agt: afrudhieri, frodheri Definitzione chi totu bolet ischire, bíere, abbaidare, o fintzes chi leat a frandhigu po dhi giare cosa; si narat puru de unu chi ponet manu in dónnia cosa, si nche fichit ma no ndhe faet bene manc'una, o fintzes chi si credet prus de su chi est, chi bolet fàere cosas prus mannas de su chi podet Sinònimos e contràrios culedhu, cumprubosu, fichete 1, frobbitzeri, frulciaculu, imbertziu, imbistiritzu, pertusaju, turudheri / fatitàgiu Frases is óminis, candu si acatant chi una fémina est tropu afrodhiera, circant de s'ispassiai e diventant iscundius ◊ is olionàrgius frorius s'incrarant in s'àcua achietada che piciocas afrodhieras ◊ afrodhieri, sa màchina noa dh'iat a fai biri a totus! ◊ afrodhiera, est sempri totu anedhus e arrecadas! ◊ sa minore fit pitzinnedha afrudhiera semper fachendhe e nandhe e cheriat tocare totu 2. maradita siat, afrodhiera: no si pòngiat issa, puru, a mi agiudai!…◊ chini abarrat sempri a giru est genti afrodhiera chi no tenit gana de trabballai Terminologia iscientìfica ntl Ètimu srd. Tradutziones Frantzesu fouinard, brouillon Ingresu intruder, messer Ispagnolu entrometido, chapucero Italianu ficcanaso, pasticcióne Tedescu Topfgucker, Pfuscher.

impiastéri , agt, nm: impiastreri, impriasteri Definitzione chi o chie trebballandho no est tanti àbbile e faet sa faina male, chentza critériu, a improdhu, imbrutandho e perdimentandho sa cosa (segundhu sa faina) Sinònimos e contràrios abbunzosu, aciaputzadore, aciorodhosu, afarringiadori, afioncadori, afrochedheri, ciapinu, ciapussu, ciaputzeri, coredheri, improdheri, inciorodheri, indrovigosu, martutzeri Frases cussu fiat impiasteri, ómini chi fiat isbàglius mannus Ètimu srd. Tradutziones Frantzesu gribouilleur Ingresu messer Ispagnolu chapucero Italianu pasticcióne Tedescu Pfuscher.

improdhéri , agt, nm Definitzione chi o chie faet improdhos, faet male su trebballu, imbrutat meda ca no ndhe ischit fàere cun critériu Sinònimos e contràrios abbunzosu, aciapinadori, aciorodhosu, afioncadori, ciaputzeri, coredheri, impiasteri, impriodheri, inciorodheri, indrovigosu Frases si avantat ca est un'artista perfetu, ma est un'improdheri! Ètimu srd. Tradutziones Frantzesu gribouilleur Ingresu messer Ispagnolu chapucero Italianu pasticcióne Tedescu Pfuscher.