Legenda Incurtzaduras | Legenda Sìmbulos

ociàu , nm: atziau, orciau, ortiau, ortziau, otziau, urtziau Definitzione genia de erba, de diferentes calidades ma totu prenas de puntighedhas piticas chi punghent e faent a dolidura / ociadedhu = ortiga fémina Sinònimos e contràrios boltíula, granudu, ociada*, picianti, pissiagulu, pistidhore, pistígia, pitigallella, pitziadroxu, pitziafui, puntriga, pústica, spitzuafua Frases po donai boxi a is cantzonis de una pipia apu scerau fòglius de ociau e unu pannu biancu (A.C.Serra) Terminologia iscientìfica rba, Urtica atrovirens, U. dioica, U. pilulifera, U. urens Tradutziones Frantzesu ortie Ingresu nettle Ispagnolu ortiga Italianu ortica Tedescu Brennessel.

oltíja , nf: ortica, ortiga, ortija, ortígia, ultiga Definitzione atziau, genia de erba, de diferentes calidades ma totu prenas de puntighedhas piticas chi punghent e faent a ispirtidura: segundhu sa calidade dhi narant ‘fémina’ (U. pilulifera), 'mascru' (U. dioica) Sinònimos e contràrios bistiori, boltíula, frusticaja, ociada, ortiligada, picianti, pistidhore, pistígia, pitigallella, pitziadroxu, purtzigada, pústica, spitzuafua / cdh. ultícula, ttrs. urtígura Frases cussu palinzu de terra muntonarzina est prenu de ortiga, no faghet a bi rugare!◊ unu frocu de cotone ifustu in su sutzu de s'ortiga e fichiu in sas nares che faet passare su sambendenare Terminologia iscientìfica rba, Urtica atrovirens, U. dioica, U. pilulifera, U. urens Ètimu ltn. urtica Tradutziones Frantzesu ortie Ingresu nettle (stinging) Ispagnolu ortiga Italianu ortica Tedescu Brennessel.

piciànti , nm: (pi-ci-an-ti) pitzianti pitzienti Definitzione genia de erba, de diferentes calidades ma totu prenas de puntighedhas piticas chi punghent e faent a dolidura: segundhu sa calidade dhi narant ‘fémina’ o pitziantedhu (U. pilulifera), ‘mascru’ (U. dioica) Sinònimos e contràrios bistiori, boltíula, frusticaja, granudu, ociada, oltija, pistidhore, pitigallella, pítula, pitziadroxu, pitziafui, purtzigada, pústica Frases fiat cosa de timi, capatzi de ti pungi che pitzianti mascu Sambenados e Provèrbios smb: Pitzianti, Pizzianti Terminologia iscientìfica rba, Urtica atrovirens, U. dioica, U. pilulifera, U. urens Ètimu srd. Tradutziones Frantzesu ortie Ingresu nettle (stinging) Ispagnolu ortiga Italianu ortica Tedescu Brennessel.

«« Torra a chircare