Legenda Incurtzaduras | Legenda Sìmbulos

abbelenàre , vrb: abbenenare, afenenare, aferenai, avelenai, avelenare, avelenari, avenenare, averenai, felenai Definitzione pònnere, pigare o fàere pigare velenu; nau de una pistadura, fàere lida, druchesada; nau in cobertantza, fàere provare fele, arrennegu forte Sinònimos e contràrios alluae, atoscai, atossicai 3. comente si ant a apònnere a tantas màssimas avelenadas? ◊ sa sàngia aferenat s'esisténtzia ◊ campos de fiores profumaos sunt de ódiu e rancore abbenenaos Ètimu itl. Tradutziones Frantzesu empoisonner Ingresu to poison Ispagnolu envenenar Italianu avvelenare Tedescu vergieften.

atosicài, atosigài, atossicài, atossigài , vrb Definitzione pònnere o fàere pigare tóssicu, velenu, o àteru chi faet male che a su velenu etotu Sinònimos e contràrios atoscai Ètimu srd. Tradutziones Frantzesu intoxiquer Ingresu to poison Ispagnolu intoxicar Italianu intossicare Tedescu vergiften.

fanéu , nm: farenu, felenu, fenenu, ferenu, fereu Definitzione genia de sustàntzia contrària meda a s'organísimu, chi dhu podet fintzes fàere mòrrere o, segundhu, faet bene po curare maladias; nau in cobertantza, arrennegu, tzacu Sinònimos e contràrios toscu, tósigu, velenu* / arrennegu, febi Frases sa brundajoba est marigosa che faneu 2. su ferenu meda dh'est zai passau ◊ a bortas che dhi pigaiat su sàmbene a conca dae su ferenu, ma che arrennessiat a si calmare ◊ agiumai si poniat a prangi po su disprexeri e po su ferenu Tradutziones Frantzesu poison Ingresu poison Ispagnolu veneno Italianu veléno Tedescu Gift.

resegàdu , nm: rosolgadu Definitzione genia de matighedha (benit de zonas tropicales) chi bogat una nughedha toscosa impreada po meighina; si narat fintzes po css. velenu Sinònimos e contràrios belenu, faneu, resolgadu, toscu Terminologia iscientìfica mt, Strychnos nux-vomica Ètimu spn. rejalgar Tradutziones Frantzesu vomiquier Ingresu nux vomica, poison nut Ispagnolu nuez vómica Italianu nóce vòmica Tedescu Brechnuß.

toscàre , vrb: atoscai Definitzione pònnere o fàere pigare velenu o cosa chi faet male che a su velenu etotu; prènnere su logu, cundhire s'aera de velenos o cosas deasi Sinònimos e contràrios abbelenare, alluae, atosicai Frases sont mortos toscatos pustis de àere mannicatu cosa ◊ su venenu li fit toscanne sas intragnas ◊ cussos tzigarros putinne ti sont toscanne 2. sas paporatas de s'àghera toscata de sa mina li aiant supujatu sos chervedhos Ètimu srd. Tradutziones Frantzesu empoisonner, intoxiquer, polluer Ingresu to poison, to pollute Ispagnolu envenenar Italianu avvelenare, intossicare, inquinare Tedescu vergiften.

velénu , nm: belenu, faneu, venenu Definitzione genia de sustàntzia contrària meda a s'organísimu, chi dhu podet fintzes fàere mòrrere o, segundhu, fintzes bonu a curare maladias; sentidu malu, de ódiu, de tírria Sinònimos e contràrios faneu, resegadu, toscu, tósigu / cdh. vilenu, ttrs. virenu Frases lassa su tebbacu: si faghes che a mie no che ingulles bucadas de velenu ◊ in totu su mundhu ant proadu sos efetos de su velenu de s'abe pro curare artrites, artrosis, siàticas 2. est zente chi fachet male e brutat cada cosa de venenu Ètimu ltn. venenum Tradutziones Frantzesu poison Ingresu poison Ispagnolu veneno, ponzoña Italianu veléno Tedescu Gift.

«« Torra a chircare