Legenda Incurtzaduras | Legenda Sìmbulos

arrasurtàu , nm: arrisurtau, erresultau, resultadu Definitzione su chi ndh’essit o arresurtat, su chi si ndhe bogat de unu trebballu, de una faina, de unu cumportamentu, de un'atzione, de un'operatzione (fintzes matemàtica) Tradutziones Frantzesu résultat Ingresu result Ispagnolu resultado Italianu risultato Tedescu Ergebnis.

arresurtài, arresurtàre , vrb: arrisultai, erresultare, resultai* Definitzione àere un’arresurtau, su chi essit o chi si ndhe bogat de calecuna cosa chi si faet, de su chi si cricat de ischire; diventare calecuna cosa; bínchere una dificurtade e lòmpere a un'iscopu Sinònimos e contràrios essire, resèssere Frases tiu Perantoni si bistiat de màscara e ndi arresurtàt ca fiat arriri prus de is àtaras màscaras ◊ de s'iscritura sagrada arresurtat chi Elias fiat unu campioni po su nòmini de su Segnori 2. Deus bollat chi s'inciascu arresurtit beridadi! 3. Pitanu iat apretau s'arretore po che arresurtare a dhi lassare su cuadhu ◊ nemos ch'est arresurtau a calare a fundhu Tradutziones Frantzesu résulter Ingresu to result Ispagnolu resultar Italianu risultare Tedescu sich ergeben.

resultài, resultàre , vrb: arresurtai, erresultare, resurtare, risurtare Definitzione àere un'arresurtau, su chi essit o si ndhe bogat de calecuna cosa chi si faet, de su chi si cricat de ischire; andhare in bonu; arrennèscere a fàere una cosa; bogare a pígiu una segurtade de ndhe ischire calecuna cosa Sinònimos e contràrios assèriri / resèssere Frases comente ti resurtat, a tie, custa faina? ◊ resurtat chi est comente so nendhe deo? ◊ custu triballu est resurtadu bene meda ◊ nachi custu sèmene fit bonu, l'apo fintzas betadu a carcu, ma petzi bi at resurtadu carchi puntu! 2. bessi tue, tantu no bi resurtas ca ses minore! ◊ a bi resurtas a fàghere cussa faina? ◊ a sa sola no bi resurto a fàghere custa cosa ◊ si podet resultare a betare ojos inue giogant deas e drufinos (P.Pillonca)◊ su pitzinnu ridiat a tichírrios candho resurtait a tirare sa coa de su mannale 3. eo cherzo resultare sos porcos chi mi che ant furadu! Tradutziones Frantzesu résulter Ingresu to result Ispagnolu resultar Italianu risultare Tedescu entstehen, hervorgehen.

resultàu , pps, nm: arrasurtau, erresultau, resurtadu, risurtau Definitzione de resultai; su chi essit o arresurtat, su chi si ndhe bogat de unu trebballu, de una faina, de unu cumportamentu, de un'atzione, de una operatzione Sinònimos e contràrios resurtu Tradutziones Frantzesu résultat Ingresu result Ispagnolu resultado Italianu risultato Tedescu entstanden.

«« Torra a chircare