Legenda Incurtzaduras | Legenda Sìmbulos

arrocaméntu , nm Definitzione su arrocare Sinònimos e contràrios assitiamentu, assítiu, incortamentu Ètimu srd. Tradutziones Frantzesu siège Ingresu siege Ispagnolu sitio, asedio Italianu assèdio Tedescu Belagerung.

arrodeàre , vrb: arrodiai, arrodiare, orrodeare, rodiai Definitzione andhare a rodeu, a s’inghíria inghíria comente faet s’istore in s'ària, andhare in giru de innòi e de inní, istare a rodeu, su si pònnere a inghíriu de ccn., istare a su gira gira acanta a calecuna cosa abbaidandho po che dha furare o fintzes po fàere dannu; fintzes pònnere cosa coment’e fascadura po aguantare / andhare arródia arródia = bagamundai, abarrai andendi totu a ingíriu Sinònimos e contràrios arrodare 1, arrogliai, inghirare Frases si li fint arrodiados in giru curiosos de ischire ◊ sa zente est acudida e si est arrodeada in sa piata ◊ si che sunt mortos sos chi fint arrodeandhe contra a sa vida tua (N.Rubanu)◊ is carrogas funt arrodiendi in su celu ◊ is merxanis arrodiànt in circa de coberai su mandiari ◊ sa Terra arródiat a ingíriu de su Sobi 2. candho at fatu sos chent'annos sa zente fit arrodiada a isse ◊ sos abbilastros sunt arrodiados a su mortorzu 3. in cussa carrada, bècia e mali arrodiada, de binu no ndi abarrat! Ètimu spn. rodear Tradutziones Frantzesu circonvenir, faire le tour Ingresu to get round, to siege Ispagnolu rodear Italianu circuire, girare attórno, assediare Tedescu umlaufen, belagern.

assítiu , nm Definitzione su assitiai, su si pònnere a inghíriu in medas po aciapare o cassare a ccn. Sinònimos e contràrios arrocamentu, assitiamentu, incortamentu Ètimu srd. Tradutziones Frantzesu siège Ingresu siege Ispagnolu asedio Italianu assèdio Tedescu Belagerung.

incortaméntu , nm Definitzione su incortare, su si pònnere a inghíriu in medas po cassare o firmare a ccn. Sinònimos e contràrios arrocamentu, assitiamentu, assítiu Ètimu srd. Tradutziones Frantzesu siège Ingresu siege Ispagnolu cercamiento Italianu assediaménto Tedescu Belagerung.

«« Torra a chircare