Ditzionàriu in línia
de sa limba e de sa cultura sarda

disfamài , vrb: disfamiai, disfamiare Definitzione bogare fogu, numenada mala a unu, naendhondhe male Sinònimos e contràrios infamai, irfamiare, sciamiai Tradutziones Frantzesu diffamer Ingresu to defame Ispagnolu difamar Italianu diffamare Tedescu verleumden.

tragagiài, tragagiàre , vrb: tragagliai, tragallai, traghillai Definitzione nàrrere calliones, cosas chi no funt, bogare fogu a un'àteru, nàrrere male de ccn.; fintzes pigare coment'e a tragu, betare a fuliadura Sinònimos e contràrios afusare, arrallai, fusigare, mulmutare / allimbare, foghigiai, imposturai, innorare, irfamiare / tragai Frases po dónnia mancantziedha de is àterus luegus seus prontus a dhus tragallai ◊ chini tragallat is àturus no ballit nudha in su trabballu! ◊ totus narant e tragallant de s'unu e de s'àteru! ◊ no ti ant a pintai che fémina de contu, ca totu sa bidha ti at a tragagiai ◊ cantas male tragagianno e ofennenno! ◊ gei ti curret in gana tragagianno a dognunu! 2. sa barchixedha, tragallada de sa frusa de is undhas, immoi s'ispariat, immoi ndi torràt a apillai ◊ s'istrasura iat traghillau sa navi: fut impossíbbili arresisti a sa frusa de su bentu Ètimu ctl. atracallar Tradutziones Frantzesu dénigrer, calomnier, médire Ingresu to defame Ispagnolu denigrar, desacreditar Italianu denigrare, calunniare, diffamare, malignare Tedescu verleumden, klatschen.