Ditzionàriu in línia
de sa limba e de sa cultura sarda

abbàda , nf: acuada Definitzione su betare abba pruschetotu po abbare cosa prantada (e si faet fintzes mandhandho s’abba a cora) Sinònimos e contràrios abbadura, arrusciada Frases a s'ortu li cheret dadu una bella abbada, a mascare sa terra de abba Ètimu srd. Tradutziones Frantzesu arrosage, arrosement Ingresu watering Ispagnolu riego Italianu annaffiata Tedescu Begießen.

abbadòre , nm Definitzione genia de istrégiu fatu po ingòllere abba de pòdere betare ispainada a frores o àtera cosa pitica prantada Sinònimos e contràrios abbadera, arrisciadore, bagnarola Terminologia iscientìfica stz Ètimu srd. Tradutziones Frantzesu arrosoir Ingresu watering can Ispagnolu regadera Italianu innaffiatóio Tedescu Gießkanne.

abbógnu , nm: abbonzu Definitzione su abbare Sinònimos e contràrios abbadura, abbamentu, abbinzu, arrusciamentu Ètimu srd. Tradutziones Frantzesu arrosage Ingresu watering Ispagnolu riego Italianu annaffiaménto Tedescu Begießen, Besprengung.

arrosiaròi , nm: orrosiadore Definitzione genia de istrégiu fatu cun s’asa po dhu pigare a una manu, unu pagu tupau e cun d-una apertura a tubbu ue s’intrat coment’e una conca pertunta, totu a istampighedhos po chi s’abba essat ispainada e a lébiu, po abbare prantàgia, frores e cosighedhas deasi Sinònimos e contràrios arrisciadore, ifriscadore Ètimu srd. Tradutziones Frantzesu arrosoir Ingresu watering can Ispagnolu regadera Italianu annaffiatóio Tedescu Gießkanne.