Ditzionàriu in línia
de sa limba e de sa cultura sarda

abbadúra , nf: acuadura Definitzione su abbare, sa manera de abbare; maladia de is brebès candho funt leadas a gremes Sinònimos e contràrios abbada, abbamentu, arrusciada / abbarbuladura, abbavera, aranas, bivera, demma, verusímini Maneras de nàrrere csn: acuadura a istídhiu = zenia de abbadura fata in tubbos pro bi chèrrere pagu abba; abbadura a càssia = itl. idrotorace Frases arratza de abbadura chi l'as fatu a s'ortu!…◊ li cheret fatu nessi duas abbaduras, a cussa cosa, ca sinono no bi creschet 2. li faghet male néula e lentore e no si salvat dae s'abbadura: sas píndulas li dao a sa dejuna e si las curo no ndhe morit una (Gv.Piredda) Ètimu srd. Tradutziones Frantzesu arrosage, distomatose Ingresu sprinkling, distomatosis Ispagnolu riego, distomatosis Italianu annaffiatura, distomatòsi Tedescu Besprengung, Leberegelkrankheit.

abbógnu , nm: abbonzu Definitzione su abbare Sinònimos e contràrios abbadura, abbamentu, abbinzu, arrusciamentu Ètimu srd. Tradutziones Frantzesu arrosage Ingresu watering Ispagnolu riego Italianu annaffiaménto Tedescu Begießen, Besprengung.

arrosiadúra , nf: rosiadura Definitzione su arrosiai, su betare s'abba a ispergiadura isciundhendho unu pagu Sinònimos e contràrios abbadura, ifundhidura Ètimu srd. Tradutziones Frantzesu aspersion Ingresu aspersion Ispagnolu rociada Italianu aspersióne Tedescu Besprengung.

arrusciadúra , nf: rusciadura Definitzione su arrusciai, su isciúndhere sa cosa cun abba a ispergiadura o fintzes abbare a bagnarola Sinònimos e contràrios abbada, arrusciamentu, paspiadura Ètimu srd. Tradutziones Frantzesu arrosage Ingresu sprinkle Ispagnolu riego Italianu annaffiatura Tedescu Besprengung.

ispunzolàda , nf Definitzione ispergiada de abbasanta, beneditzione chi giaet su preide betandho s'abbasanta Sinònimos e contràrios asperges, asprexa, ispertzoriada Frases s'esséntzia de su matrimóniu, a nàrrere sou, est s'amore, no sas cartas bulladas de munícipiu e ne sas ispunzoladas de babbai vicàriu Ètimu srd. Tradutziones Frantzesu aspersion Ingresu aspersion Ispagnolu aspersión Italianu aspersióne Tedescu Besprengung.