Legenda Incurtzaduras | Legenda Sìmbulos

abbadúra , nf: acuadura Definitzione su abbare, sa manera de abbare; maladia de is brebès candho funt leadas a gremes Sinònimos e contràrios abbada, abbamentu, arrusciada / abbarbuladura, abbavera, aranas, bivera, demma, verusímini Maneras de nàrrere csn: acuadura a istídhiu = zenia de abbadura fata in tubbos pro bi chèrrere pagu abba; abbadura a càssia = itl. idrotorace Frases arratza de abbadura chi l'as fatu a s'ortu!…◊ li cheret fatu nessi duas abbaduras, a cussa cosa, ca sinono no bi creschet 2. li faghet male néula e lentore e no si salvat dae s'abbadura: sas píndulas li dao a sa dejuna e si las curo no ndhe morit una (Gv.Piredda) Ètimu srd. Tradutziones Frantzesu arrosage, distomatose Ingresu sprinkling, distomatosis Ispagnolu riego, distomatosis Italianu annaffiatura, distomatòsi Tedescu Besprengung, Leberegelkrankheit.

arrusciàda , nf: arrusciara Definitzione su arrusciai, ispergiare abba; cosa betada in pitzu de àtera a ispergiadura, ispainada Sinònimos e contràrios abbada, betada, paspiada / ispunzolada Maneras de nàrrere csn: una a. de casu = una paspiada de casu ratadu; un'a. de fogu = colada o passada de fogu; a. de trigu a is isposus = sprexa, gràtzia Frases ndi dh'iat arrutu una grandu arrusciada de àcua asuba ◊ at pigau su spersóriu e at donau un'arrusciada de acuasanta a is cruculleus 3. dhi at ghetau asuba un'arrusciada de fuedhus chi ndi dhi at passau sa gana de pregontai cosa! Ètimu srd. Tradutziones Frantzesu arrosage, arrosement Ingresu sprinkling Ispagnolu rociada Italianu annaffiata Tedescu Wässerung.

babbiscadúra , nf Definitzione su babbiscare; istídhigos de abba Sinònimos e contràrios paspiadura / modhina, pispisia, tzibina Ètimu srd. Tradutziones Frantzesu bruine, embruns Ingresu sprinkling Ispagnolu llovizna Italianu spruzzàglia Tedescu Besprengung, Weihwasserbesprengung, Spritzer.

modhína , nf: moidhina, mudhina, mundhina Definitzione abbighedha chi proet lena a istidhighedhos piticos, o fintzes istídhigos matucos ma pagos Sinònimos e contràrios arrosina, chischixina, irmimisia, modhaca, modhura, papuschina, paspia, proischina, tzibina / cdh. muidhina Frases sa modhina paret unu lentore ◊ tota sa note at sighidu dae chelu a rúere selena una mudhina a butiu a butiu (G.Cherchi)◊ cale próidu? pagas modhinas at betadu! ◊ pustis de una note de modhina che esseit a chilcare monzeta Terminologia iscientìfica tpm Ètimu srd. Tradutziones Frantzesu bruine Ingresu sprinkling Ispagnolu llovizna Italianu spruzzàglia Tedescu Sprühregen, Nieselregen.

paspiàda , nf: pispiada Definitzione su paspiare Sinònimos e contràrios agrúspiu, ispertzada, istidhiada, ripiada, spripidhu, strichidhada, tzàviu 2. una paspiada de salipa li cheret a s'issalada ◊ una paspiada de cussu sabone lícuidu, una colada de istratzu e sos bidros essint netos! Ètimu srd. Tradutziones Frantzesu giclée Ingresu sprinkling Ispagnolu rociada, salpicadura Italianu spruzzo Tedescu Spritzer.

tzàviu , nm: aciàviu Definitzione ispergiada de abba o cosas deasi Sinònimos e contràrios arrosina, modhina, paspia, proischina, spricu 2, spripidhu, tzaródhiu, tzibina 2. chin d-unu tzàviu unu fascioni ch'est issiu dae mesu de sas cannas Ètimu srd. Tradutziones Frantzesu giclée Ingresu sprinkling Ispagnolu rociada Italianu spruzzo Tedescu Spritzstrahl.

«« Torra a chircare