Ditzionàriu in línia
de sa limba e de sa cultura sarda

babbiscadúra , nf Definitzione su babbiscare; istídhigos de abba Sinònimos e contràrios paspiadura / modhina, pispisia, tzibina Ètimu srd. Tradutziones Frantzesu bruine, embruns Ingresu sprinkling Ispagnolu llovizna Italianu spruzzàglia Tedescu Besprengung, Weihwasserbesprengung, Spritzer.

paspiàda , nf: pispiada Definitzione su paspiare Sinònimos e contràrios agrúspiu, ispertzada, istidhiada, ripiada, spripidhu, strichidhada, tzàviu 2. una paspiada de salipa li cheret a s'issalada ◊ una paspiada de cussu sabone lícuidu, una colada de istratzu e sos bidros essint netos! Ètimu srd. Tradutziones Frantzesu giclée Ingresu sprinkling Ispagnolu rociada, salpicadura Italianu spruzzo Tedescu Spritzer.

strichídhu , nm: istrichidhu*, stridhica, stridhicu, strinchidhu Definitzione parte pitichedhedha, istídhigu de abba o àteru, pagu e modhe, chi che brillat atesu, chi brínchidat e isciundhet o imbrutat; cosighedha de nudha, un'apenas / min. strichidhedhu Sinònimos e contràrios isprendhulada, stridhica, tzampulicada 2. de totu su chi sutzediat in Itàlia calincunu stridhicu ndi lompiat a Bidhanoa puru (B.Lobina)◊ s'arcubbalenu chi si format me is strinchidhus de s'àcua parit un'iscala de seda coloria Tradutziones Frantzesu giclée, éclaboussure Ingresu splash Ispagnolu salpicadura Italianu schizzo, pillàcchera Tedescu Spritzer.

tzivinèdha , nf Definitzione min. de tzivina, proidedha de pagos istídhigos, una passadedha de abba Sinònimos e contràrios arrosina, modhina, paspia, proischina Tradutziones Frantzesu crachin Ingresu light drizzle Ispagnolu matapolvo, cuatro gotas Italianu sprùzzolo Tedescu Spritzer.