Ditzionàriu in línia
de sa limba e de sa cultura sarda

apítu 1 , nm Definitzione logu in sa domo, aintru o fora, a ue si essit Sinònimos e contràrios ciapitu, cortita, passadissu Frases su bachile, s'apitu e s'arzola fint s'iscàsciu de sa zente (B.Truddaju) Terminologia iscientìfica dmo Tradutziones Frantzesu cour Ingresu little yard Ispagnolu patio, corral Italianu cortilétto Tedescu kleiner Hof.

cantiéri , nm Definitzione logu inue dhue at gente trebballandho, is trebballadores etotu, su trebballu matessi pigau coment'e manera de dhu fàere, prus che àteru fatu no a impresa privada ma in economia a cumandhu de una Comuna o àteru ente púbbricu Frases cussu triballu l'ant fatu a cantieri ◊ cun cussos cantieris no ndhe atúliant de triballu: sunt cosas pro ammandronare sa zente! Tradutziones Frantzesu chantier Ingresu yard Ispagnolu obras Italianu cantière Tedescu Baustelle.

pupulía , nf Definitzione genia de puntedhu fine e artu ue si apicat una bandhera Sinònimos e contràrios pignoni Tradutziones Frantzesu hampe Ingresu yard spar Ispagnolu asta Italianu pennóne Tedescu Fahnenstange.