Legenda Incurtzaduras | Legenda Sìmbulos

acórru , nm: aggorru Definitzione logu serrau, prus che àteru fatu po bestiàmene; su acorrare, s'ora de acorrare, de portare a s’acorru Sinònimos e contràrios acorradolzu, acorramentu, acorratzu, arrocu 1, màndara Frases sa genti fut surruschiendu pariat un'acorru de procus! ◊ a s'impudhile si che bocabant sas crapas dae s'aggorru 2. crabas e arveghes a s'aviu e a s'acorru giughent bentre lena ◊ a s'ora de s'acorru su pastori nd'istorrat is brebeis po mulli Terminologia iscientìfica srr Ètimu srd. Tradutziones Frantzesu enclos Ingresu corral Ispagnolu corral Italianu recinto Tedescu Pferch.

apítu 1 , nm Definitzione logu in sa domo, aintru o fora, a ue si essit Sinònimos e contràrios ciapitu, cortita, passadissu Frases su bachile, s'apitu e s'arzola fint s'iscàsciu de sa zente (B.Truddaju) Terminologia iscientìfica dmo Tradutziones Frantzesu cour Ingresu little yard Ispagnolu patio, corral Italianu cortilétto Tedescu kleiner Hof.

chírra , nf: chírria, cirra, ghirra Definitzione logu ammontau, genia de acorru, po dhue pònnere angiones o crabitos abbandha de is mamas; in s'acorru po is procos, una parte prus pitica de s'àurra, inue si ponet abbandha sa màdria angiada; fintzes matzu o chirrione de pilos, su pilu atzutzudhiu de un'animale / erba de cirras = ispéliu (Plumbago europaea) Sinònimos e contràrios adile, àrula, cerina, cirradroxu Frases coment'e àbbile airada s'iscudet subra de sos anzones in sa chirra Sambenados e Provèrbios smb: Chirra Terminologia iscientìfica srr Ètimu ltn. cirra, cirrus Tradutziones Frantzesu enceinte Ingresu pen Ispagnolu corral para animales pequeños Italianu recinto per animali pìccoli Tedescu Gehege.

corràle, corràli , nm Definitzione tretu largu, a una parte, mescamente tra duas alas de muru o àteru, cugigone; tretu largu serrau ananti o a costau de sa domo, o fintzes po acorrare bestiàmene / min. corraledhu Sinònimos e contràrios angrone, chizone, corroncone / coltíglia, corratzu, iscorratu / cdh. currali Frases s'acucaiat in d-unu corrale de sa cochina 2. in su corrali teniat caboniscus e cunillus ◊ tenit corrali po acorrai bestiàmini arrui ◊ de tui ndi fàciu contu che s'àliga de corrali Terminologia iscientìfica srr Ètimu ctl., spn. Tradutziones Frantzesu cour Ingresu courtyard Ispagnolu corral Italianu cortile della casa Tedescu Hof.

cortíta , nf Definitzione min. de corte, cortighedha Sinònimos e contràrios apitu 1, ciapitu, cortiledhu Terminologia iscientìfica srr Tradutziones Frantzesu cour Ingresu courtyard Ispagnolu patio (m), corral (m) Italianu cortile Tedescu Hof.

messàlzu , nm: messarzu Definitzione muru a istúturu in is errios po pònnere sa nassa a cassare su pische, logu inue si parant is nassas po piscare Sinònimos e contràrios nassàrgiu*, pischera Terminologia iscientìfica pscd Tradutziones Frantzesu barrage Ingresu weir Ispagnolu corral Italianu pescàia Tedescu Flußwehr.

pudhínu , agt Definitzione de pudhu, de pudha; nau de gente, chi istat sèmpere in domo Sinònimos e contràrios domaresu, casandrinu Maneras de nàrrere csn: andhare o cúrrere a p. = acudire che pudhas, andhare ifatu comente faghent sas pudhas addaghi las cramant a lis betare cosa; nàrrere a p. = a tantas bias, coment'e cramendhe pudhas, coment'e pudhas cantendhe; ingullire a p. = che a sas pudhas, intreu, chentza mastigare Frases préigu, piugu pudhinu, erba pudhina 2. su guvernu italianu a inoghe at mandhadu bator frillos de ministros cun fàulas repitidas a pudhinu annos e annos Sambenados e Provèrbios smb: Puddinu Ètimu srd. Tradutziones Frantzesu de la volaille Ingresu fowl Ispagnolu de las aves de corral Italianu pollino Tedescu Hühner, Huhn.

«« Torra a chircare