Ditzionàriu in línia
de sa limba e de sa cultura sarda

afainàdu , pps, agt: afainau Definitzione de afainare; chi est faendho faina; nau in cobertantza, chi istat chentza fàere, ammandronau / èssere afainadu a… (+ vrb.) = istare a s'assentada faendho su chi narat custu vrb., èssere cun sa conca sèmpere pentzandho o impreaos a… Sinònimos e contràrios afariadu, afatorgiau, fracóngiu, infendhentzadu | ctr. disabbutu, faghineri, ifainadu 2. zuchet sos bratzos sanos e fortes e abbarrabat semper afainada ◊ funt totus afainaus preparandi po sa cena ◊ muzere mia est afainada in sos forredhos pro sa chena ◊ bido una zentória andhendhe afainada ◊ cussu est afainadu a lèzere ◊ bi at calicunu afainadu a pònnere fogu ◊ inciandus ses afainara mera, chi no dromis?! Tradutziones Frantzesu affairé, occupé Ingresu busy, bustling Ispagnolu atareado, activo Italianu affaccendato, operóso Tedescu vielbeschäftigt.

fachijólu , agt: fachiolu Definitzione chi istat sèmpere faendho, trebballandho Sinònimos e contràrios fachidore, faineri, fracóngiu, trabagliante, trancuineri | ctr. mandronàciu, praitzosu Frases mannedha fit minuta, ma fachijola ◊ mi apo isseperau una cumpanza fachijola e acasazajola ◊ sa tzia fit est una fémina grassa, ma fachiola Terminologia iscientìfica ntl Ètimu srd. Tradutziones Frantzesu actif Ingresu active Ispagnolu activo Italianu attivo Tedescu aktiv, tätig.

fracóngiu , agt Definitzione nau de ccn., chi dhi praghet a fàere, chi si betat a trebballare, fintzes lestru faendho / ideas fracòngias = ?; soli fracóngiu = ? Sinònimos e contràrios fachijolu, faidosu, faineri, fracone, trabagliante Frases no siat setiosa e fracòngia, puru, cussa picioca!…◊ at biu s'ómini fracóngiu? at ingeniau a su babbu! ◊ "maistu fracóngiu" sa genti mi nant: inveci no dh'apu nemmancu tocau! ◊ nonna mi contat ca a is tempus chi furiat piciochedha issa is féminas furiant prus fracòngias Sambenados e Provèrbios prb: a fémina fracòngia no dhi mancat mai faina Terminologia iscientìfica ntl Ètimu srd. Tradutziones Frantzesu laborieux Ingresu industrious Ispagnolu activo, laborioso Italianu attivo, laborióso Tedescu arbeitsam.