afainàdu , pps, agt: afainau Definitzione de afainare; chi est faendho faina; nau in cobertantza, chi istat chentza fàere, ammandronau / èssere afainadu a… (+ vrb.) = istare a s'assentada faendho su chi narat custu vrb., èssere cun sa conca sèmpere pentzandho o impreaos a… Sinònimos e contràrios afariadu, afatorgiau, fracóngiu, infendhentzadu | ctr. disabbutu, faghineri, ifainadu 2. zuchet sos bratzos sanos e fortes e abbarrabat semper afainada ◊ funt totus afainaus preparandi po sa cena ◊ muzere mia est afainada in sos forredhos pro sa chena ◊ bido una zentória andhendhe afainada ◊ cussu est afainadu a lèzere ◊ bi at calicunu afainadu a pònnere fogu ◊ inciandus ses afainara mera, chi no dromis?! Tradutziones Frantzesu affairé, occupé Ingresu busy, bustling Ispagnolu atareado, activo Italianu affaccendato, operóso Tedescu vielbeschäftigt.

afariàdu , pps, agt: afariau Definitzione chi est impreau meda, afatigau meda faendho cosa Sinònimos e contràrios afainadu, afatorgiau, infatzendhau, infilonzadu | ctr. arreulau, ilfatziennadu Frases bides ministros e industriales afariados pro sa chistione! Tradutziones Frantzesu occupé, affairé Ingresu busy Ispagnolu atareado Italianu indaffarato Tedescu beschäftigt.

infatzendhàu , agt Definitzione nau de ccn., chi est totu pigau de is cosas de fàere, chi est sèmpere faendho, trebballandho Sinònimos e contràrios afainadu, afariadu, infendhentzadu | ctr. arreulau, ilfatziennadu Tradutziones Frantzesu affairé, occupé Ingresu bustling Ispagnolu atareado Italianu affaccendato Tedescu vielbeschäftigt.

infilonzàdu , agt Definitzione chi tenet filienzos, tanti cosas de fàere, ammungiau Sinònimos e contràrios afainadu, filienzadu, filonzadu, infatzendhau | ctr. disabbutu, isfilonzadu Frases sunt totu infilonzados chirchendhe mezoru Ètimu srd. Tradutziones Frantzesu affairé, occupé Ingresu busy Ispagnolu atareado Italianu indaffarato Tedescu beschäftigt.

«« Torra a chircare