Legenda Incurtzaduras | Legenda Sìmbulos

audída , nf Definitzione su audire, su chi si narat o chi si faet coment'e incoragiandho, giaendho fortza a su chi bolet o faet s’àteru Sinònimos e contràrios auditu, incoramentu Frases su fizu si est cojadu cun cussa zòvana e at tentu s'audida de su babbu e de sa mama Ètimu srd. Tradutziones Frantzesu approbation, assentiment Ingresu approval Ispagnolu aprobación, asentimiento Italianu approvazióne, assènso Tedescu Zustimmung.

audítu, audítziu , nm Definitzione su iscurtare coment’e po giare coràgiu o arrexone a s'àteru, fintzes po dhi giare su cuntentu, po pònnere mente; si narat fintzes in su sensu de permissu Sinònimos e contràrios ascurtu / audida, pelmissu Frases dogni annu isperat custu, ma Deus auditu no li at dadu (P.Serra)◊ tue sempre innotzente ses istadu sentza dare a sos malos auditu ◊ Casparru aiscultaiat totu, chena dare audítziu ◊ fineint de dare audítziu e donzunu apeit su trabàgliu ◊ vos l’avio naradu, ma non mi azes dadu auditu! 2. pro colare in custu logu tenzo s'auditu de su mere ◊ chie ti at dadu auditu a intrare a inoghe? Tradutziones Frantzesu écoute, assentiment Ingresu listening, approval Ispagnolu escucha, aprobación Italianu ascólto, benestare Tedescu Hören, Zustimmung.

cunsénsu , nm Definitzione volontade o decisione a favore de calecuna cosa, su èssere o si nàrrere de acórdiu Sinònimos e contràrios adduida, adduimentu Tradutziones Frantzesu approbation, consentement Ingresu assent Ispagnolu consentimiento, aprobación (f) Italianu consènso Tedescu Zustimmung.

«« Torra a chircare